06:08 am
ظفر مرزا نے وزیر مملکت قومی صحت  کی ذمہ داریاں سنبھال لیں

ظفر مرزا نے وزیر مملکت قومی صحت کی ذمہ داریاں سنبھال لیں

06:08 am

اسلام آباد ( نمائندہ خصوصی ) ترجمان وزارت صحت کے مطابق آج ڈاکٹر ظفر مرزا نے بطور وزیر مملکت برائے نیشنل ہیلتھ سروسز ذمہ داریاں سنبھال لی ہیں ۔ وزارت کے اعلیٰ افسران نے وزیر قومی صحت کا استقبال کیا۔ اس موقع پر وزیر صحت نے افسران سے گفتگو کرتے ہوئے کہا کہ وزیر اعٖظم عمران خان کے وژن کے مطابق صحت کا شعبہ اولین ترجیح ہے اور صحت کے شعبے میں اصلاحات پر تیزی سے عمل کیا جائیگا۔ انہوں نے مزید کہا وزارت میں کارکردگی میرٹ اور شفافیت رہنما اصول ہو ںگے۔ وزیر اعظم عمران کی قیادت میں اس اہم ذمہ داری کو نبھانے کے لیے بھر پور کوشش کی جائے گی۔ ترجمان وزارت قومی صحت نے کہا کہ ڈاکٹر ظفر مرزا عالمی ادارہ صحت میں اہم عہدوں پر فائز رہ چکے ہیں۔ ڈاکٹر ظفر مرزا کی تعیناتی صحت کے شعبے میں صحت کے وژن اور اہداف کے حصول کے حوالے سے انتہائی اہمیت کی حامل ہے عالمی صحت کے حلقوں نے ان کی تعیناتی کو خوش آئند قرار دیا ہے۔ ظفر مرزا