09:23 am
آصف علی زرداری کا قریبی ساتھی عدالت میں رو پڑا، کیا کچھ کہہ ڈالا ۔۔۔جانئے

آصف علی زرداری کا قریبی ساتھی عدالت میں رو پڑا، کیا کچھ کہہ ڈالا ۔۔۔جانئے

09:23 am

کراچی: نیب کی جانب سے گرفتار کیا گیا بھٹو ہاؤس کا انچارج ندیم بھٹو عدالت میں رو پڑا۔ گذشتہ روز دوران سماعت عبدالندیم بھٹو نے عدالت میں کہا کہ میں غریب آدمی ہوں اور میرے پاس وکیل کرنے کے بھی پیسے نہیں ہیں۔ ندیم بھٹو نے روتے ہوائے عدالت میں کہا کہ وہ نہیں جانتا کہ اکاؤنٹ میں اتنے پیسے کہاں سے آئے۔جج نے سوال کیا ہے کہ نوڈیورو والے کہاں گئے؟ کیا مشکل وقت میں آپ لوگوں کو پوچھنے والا کوئی نہیں ہے؟
جس پر ندیم بھٹو نے کہا کہ ’ہم غریب لوگ ہیں، ہمیں کوئی نہیں پوچھتا‘۔یاد رہے کہ جعلی بینک اکاؤنٹس کیس میں نیب جے آئی ٹی نے قانون نافذ کرنیوالے اداروں کے ہمراہ بھٹو ہاؤس نوڈیرو میں چھاپہ مار کے بھٹو ہاؤس کے انچارج اور آصف علی زرداری کے قریبی ساتھی عبدالندیم بھٹو گرفتار کرلیا تھا۔عبدلندیم بھٹو جعلی اکاؤنٹس سے رقم نکلوا کر بھٹو ہاؤس کے اخراجات چلاتا تھا، جبکہ اس کا بھائی جبار بھٹو محترمہ بے نظیر بھٹو کا ذاتی فوٹو گرافر رہا ہے۔ندیم بھٹو کے اکاؤنٹ میں اومنی گروپ اور دیگر گمنام اکاؤنٹس سے رقم منتقل ہوتی تھی جس سے نوڈیرو ہاؤس کے ملازمین کی تنخواہیں و دیگر اخراجات سمیت رہنماؤں کے ہوائی ٹکٹس بھی خریدے جاتے تھے۔عبدالندیم بھٹو کا بھائی جبار بھٹو محترمہ بے نظیر بھٹو کا ذاتی فوٹو گرافر تھا جسے محترمہ نے پہلی بار وزارت عظمٰی سنبھالنے کے بعد محکمہ اطلاعات سندھ میں نوکری دی، جس کے بعد سے پورا خاندان وفادار ذاتی ملازمین کی حیثیت سے نوڈیرو میں بھٹو ہاؤس کے معاملات چلا رہا ہے۔

تازہ ترین خبریں