03:32 pm
مخصوص ٹولہ افواہوں کے ذریعے ڈالر کی قیمتیں بڑھوا کراسے بیچ رہا ہے

مخصوص ٹولہ افواہوں کے ذریعے ڈالر کی قیمتیں بڑھوا کراسے بیچ رہا ہے

03:32 pm

اسلام آباد (مانیٹرنگ ڈیسک) ایک مافیا کی جانب سے ڈالر مہنگا ہونے کی افواہو ں کی ذریعے اسے مارکیٹ سے اٹھوا کرفروخت کرنے اور چند گھنٹے میں ہی اربوں روپے اکٹھےکرنے کا انکشاف ہوا ہے۔ ذرائع نے دعویٰ کیا ہےکہ ڈالر بحران سے ایک دن میں مافیا کو 50 ارب روپے کی کمائی ۔دو اداروں کی ابتدائی رپورٹ میں اہم انکشافات ۔میڈیا رپورٹس کے مطابق رپورٹ میں ڈالر کی بڑھتی ہوئی رقم کے حوالے سے لکھا گیا ہے
کہ اس میں سابقہ حکومت سے تعلق رکھنے والے بااثر مافیا ملوث ہےاور کئی بینکرز اور بڑے بزنس ٹائیکون بھی اس مافیا کا حصہ ہے۔گذشتہ روز ڈالر کی قیمت میں اضافے سے پہلے 6 بزنس ٹائیکون ،2 بڑے لینڈ مافیاز اور ایک سابقہ حکومت کا چہیتا گروہ جو اس حکومت کے وزراء کے بھی قریب ہے، نے مارکیٹ سے نہ صرف ڈالر اٹھوایابلکہ مشیر خزانہ حفیظ شیخ کی پریس کانفرنس سے کچھ دیر پہلے پلاننگ کے تحت مختلف اسٹاک ایکسچینج میں پراپیگنڈا کیا کہ ڈالر کی قیمت بڑھ جائے گی۔مارکیٹ سے اچانک ڈالر اٹھوا کر از خود ڈالر کی قیمت میں اضافہ کر دیا گیااور اس سے مافیا کو ایک دن میں 50 ارب سے زائد کا فائدہ ہوا،اس مافیا نے اب پراپیگنڈا شروع کر دیا ہے کہ ڈالر کا ریٹ 200روپے تک جائے گا۔یہ افواہ پھیلا کر ڈالر کو مہگنے داموں فروخت کر کے مزید پیسہ کمایا جائے گا۔رپورٹ میں یہ بھی لکھا گیا ہے کہ حکومت کی اس عرصہ کی کارگردگی میں جو کام بہتر کیے گئے ،بیوروکریسی اور کچھ سیاستدانوں کے گٹھ جوڑ کی وجہ سے حکومت کے ان اقدامات کی پذیرائی نہیں ہونے دی گئی۔یاد رہے کہ ڈالر کی قیمت اس وقت 147روپے سے اوپر پہنچ گئی ہے

تازہ ترین خبریں