03:09 pm
ان میں سے کسی ایک کا بھی روزہ نہیں ہو گا

ان میں سے کسی ایک کا بھی روزہ نہیں ہو گا

03:09 pm

اسلام آباد (مانیٹرنگ ڈیسک)وفاقی وزیر ریلوے شیخ رشید کہتے ہیں کہ آصف زرداری بھی شہبازشریف والا فارمولہ مانگ رہے ہیں۔ اپنے ایک بیان میں شیخ رشید کا کہنا تھا کہ اپوزیشن والے افطاری کرنے جا رہے ہیں ،ان میں سے کسی ایک کا بھی روزہ نہیں ہو گا۔ انہوں نے کہا کہ فالودے والے کے اکاؤنٹ سے دو ، دو ارب روپے نکل رہے ہیں، سی پیک اور ریلوے کے خلاف عالمی سازش کی جارہی ہے ۔،
آصف زرداری بھی شہباز شریف والا فارمولا مانگ رہے ہیں،ن لیگ اپنی سیاست کا جنازہ نکالنے اسلام آباد جار ہی ہے ۔ ان کا کہنا تھا کہ عمران خان نے دیانتداری سے کہا کہ آئی ایم ایف نہیں جاؤںگا لیکن جب عمران خان یہا ںآئے توجھاڑو پھر ا ہوا تھا ، ریلوے کی زمینوں پر تجاوزات ختم کریں گے، سرکار جو حکم دے گی اس کی تعمیل کی جائیگی۔ شیخ رشید نے کہا کہ حکومت سندھ کوسوچنا چاہئے کہ دس سال میں ایک ٹرین بھی نہیں چلائی جبکہ ہم نے عمران خان کی قیادت میں چار ٹرینیں چلائی ہیں۔

تازہ ترین خبریں