08:57 am
پنجاب سمیت ملک بھر میں گرمی شدت میں اضافہ ہوا جبکہ بارشوں کا فی الوقت کوئی امکان ظاہر نہیں کیا جا ر

پنجاب سمیت ملک بھر میں گرمی شدت میں اضافہ ہوا جبکہ بارشوں کا فی الوقت کوئی امکان ظاہر نہیں کیا جا ر

08:57 am

سیالکوٹ (نیوز ڈیسک ) پنجاب سمیت ملک بھر میں گرمی شدت میں اضافہ ہوا جبکہ بارشوں کا فی الوقت کوئی امکان ظاہر نہیں کیا جا رہا۔ ایک طرف جہاں گرمی کے ستائے ہوئے شہری ابر رحمت کی دعائیں کر رہے ہیں وہیں دوسری جانب مسلم لیگ ن کے رہنما خواجہ آصف نے گرمی کا توڑ نکال لیا ہے۔ تفصیلات کے مطابق مسلم لیگ ن کے رہنما اور رکن قومی اسمبلی خواجہ آصف گرمی سے تنگ آ کر دوستوں کے ہمراہ موترہ نہر پر پہنچے اور گرمی دور کرنے کے لیے نہر میں ڈبکیاں لگائیں۔اس موقع پر ان کے ہمراہ ان کے دوست احباب بھی موجود تھے۔
مسلم لیگ ن کے رہنما خواجہ آصف نے دوستوں کے ہمراہ موترہ نہر میں ڈبکیاں لگائیں جس کی ویڈیو سوشل میڈیا پر وائرل ہوئی۔ تیراکی کے ماہر خواجہ آصف نے نہر میں ڈبکیاں لگا کر گرمی کی شدت کو کم کرنے کی کوشش کی۔اس ویڈیو کو دیکھ کر شہریوں کا کہنا ہے کہ گرمی نے خواجہ آصف کو بھی نہر میں ڈبکیاں لگانے پر مجبور کر دیا ہے۔خیال رہے کہ اس سے قبل بھی 2016ء میں مسلم لیگ ن کے رہنما خواجہ آصف نہر میں نہانے پہنچے تھے مگر تب انہوں نے وفاقی وزیر ہوتے ہوئے بھی دفعہ 144 کی خلاف ورزی کی تھی۔ جبکہ ایس ایچ او موترہ چھٹی کے مزے لوٹتے رہے ۔ انہوں نے یہ کہہ کر کارروائی سے معذرت کر لی تھی کہ وہ تو اس روز چھٹی پر تھے اگر وہ ڈیوٹی پر ہوتے تو ضرور کارروائی کرتے ۔واضح رہے کہ ملک کے بیشتر علاقوں میں موسم گرم اور خشک جبکہ وسطی/جنوبی پنجاب، مشرقی بلوچستان اور صوبہ سندھ میں موسم شدید گرم رہے گا ۔ تاہم مالاکنڈ، ہزارہ ڈویژن، گلگت بلتستان اور کشمیر میں چند مقامات پر آندھی اور گرج چمک کے ساتھ بارش کا امکان ہے۔

تازہ ترین خبریں