10:05 am
افغانستان سے دہشتگردی کا خدشہ

افغانستان سے دہشتگردی کا خدشہ

10:05 am

پشاور(مانیٹرنگ ڈیسک ) خیبرپختونخوا حکومت نے الیکشن کمیشن آف پاکستان ضم شدہ قبائلی اضلاع میں صوبائی اسمبلی کے انتخابات کوملتوی کرنے کیلئے خط لکھ دیاہے ۔ محکمہ داخلہ خیبرپختونخوا کی جانب سے سیکرٹری الیکشن کمیشن آف پاکستان کے نام خط میں لکھاہے کہ نئے ضم شدہ اضلاع میں انتخابات کو سبوتاژ کرنے کے خطرات موجود ہیں اور افغانستان سے دہشت گردی کی کارروائیوں کا خطرہ ہے۔
خط کے متن کے مطابق سیاسی قیادت کو بھی نشانہ بنانے کے حوالے سے خدشات موجود ہیں اس لیے انتخابات 2 جولائی کے بجائے 20دن کے لیے ملتوی کیے جائیں۔خط کے متن میںشمالی وزیرستان میں حالیہ واقعات،صوبائی الیکشن کوسبوتاژکرنے کیلئے افغانستان سے دہشت گردانہ حملوں کے خدشے،سیاسی رہنمائوں کودھمکیاںاوردیگروجوہات بیان کی گئی ہیں تاہم خیبرپختونخوا حکومت کوابھی تک خط کے حوالے سے تاحال الیکشن کمیشن کی جانب سے جواب نہیں آیا۔واضح رہے کہ ضم شدہ قبائلی اضلاع میں 2جولائی کوصوبائی اسمبلی کے انتخابات منعقدہونگے ۔

تازہ ترین خبریں