03:26 pm
آصف زرداری کے گرفتار ہوتے ہی لاڑکانہ میں ہوائی فائرنگ اور توڑ پھوڑ شروع

آصف زرداری کے گرفتار ہوتے ہی لاڑکانہ میں ہوائی فائرنگ اور توڑ پھوڑ شروع

03:26 pm

لاڑکانہ (مانیٹرنگ ڈیسک) سابق صدر آصف علی زرداری کی گرفتاری کے بعد ان کے حلقے لاڑکانہ میں ہوائی فائرنگ اور توڑ پھوڑ کا سلسلہ شروع ہو گیا ہے۔ دوکانوں اور املاک کو نقصان پہنچائے جانے کا سلسلہ شروع ہو گیا ہے۔ عام شہریوں میں خوف و ہراس پھیل گیا ہے۔ تفصیلات کے مطابق اسلام آباد ہائیکورٹ سے درخواست ضمانت مسترد ہونے پر نیب نے سابق صدر آصف علی زرداری کوگرفتار کرلیا ہے۔
آصف علی زرداری کی گرفتاری کی خبر سنتے ہی سندھ کے جیالے مشتعل ہوگئے اور مختلف شہروں میں احتجاج شروع کردیا۔ آصف علی زرداری کے شہر نواب شاہ میں جیالوں نے پریس کلب کے باہر بھرپور احتجاج کیا ہے، حیدر آباد اور دادو میں بھی جیالوں نے احتجاج کیلئے پریس کلب کا رخ کیا اور حکومت کے خلاف شدید نعرے بازی کی۔بلاول بھٹو کے حلقے لاڑکانہ کے جیالے آصف زرداری کی گرفتاری پر زیادہ ہی مشتعل ہوگئے اور شہر میں توڑ پھوڑ شروع کردی۔ ڈنڈا بردار کارکنوں نے زبردستی دکانیں بند کرائیں اور توڑ پھوڑ کی۔ پیپلز پارٹی کے مسلح کارکنوں کی جانب سے ہوائی فائرنگ بھی کی گئی جس کے باعث شہر یوں میں سخت خوف و ہراس پھیل گیا۔

تازہ ترین خبریں