04:27 pm
پاک فوج ملک کو درپیش تمام خطرات سے نمٹنے کےلئے تیار ہے،آرمی چیف

پاک فوج ملک کو درپیش تمام خطرات سے نمٹنے کےلئے تیار ہے،آرمی چیف

04:27 pm

راولپنڈی (مانیٹرنگ ڈیسک)پاک فوج کے سربراہ جنرل قمر جاوید باجوہ کہتے ہیں کہ پاک فوج ملک کو درپیش ہر طرح کے خطرات کا مقابلہ کرنے کےلئے تیار ہے۔آئی ایس پی آر کے مطابق سالانہ فارمیشن کمانڈرز کانفرنس جی ایچ کیو میں منعقد کی گئی۔دو روزہ کانفرنس کی صدارت آرمی چیف جنرل قمرجاوید باجوہ نے کی جس میں قومی سلامتی اور جیو اسٹریٹجک صورت حال کا جائزہ لیا گیا۔
آئی ایس پی آر کے مطابق اجلاس میں قومی سلامتی کو درپیش مختلف چیلنجز اور قومی حکمت عملی پر تبادلہ خیال کیا گیا۔آرمی چیف نے پاک بھارت کشیدگی کے دوران پڑوسی ملک کو منہ توڑ جواب دینے پر مسلح افواج کو خراج تحسین پیش کیا۔جنرل قمر جاوید باجوہ کا کہنا تھا کہ آپریشن درالفساد میں کامیابیاں کابل تعریف ہیں، پائیدار امن کی راہ ہموار کریں گی۔اس موقع پر فارمیشن کمانڈر ز نے عزم کا اظہار کیا کہ ملک اور قوم کی خدمت کے لیے ہر قدم اٹھائیں گے۔

تازہ ترین خبریں