یہ حادثہ اس وقت پیش آیا جب مریم نواز گذشتہ روز سنٹرل جیل کوٹ لکھپت میں اپنے والد نواز شریف سے ملنے کے لیے آئیں۔اس حادثے میں گاڑی کو شدید نقصان ہوا۔تاہم خوش قسمتی سے حادثے میں کوئی جانی نقصان نہیں ہوا۔خیال رہےسابق وزیراعظم نواز شریف سے کل جیل میں ملاقات کا دن تھا۔پاکستان مسلم لیگ ن کے رہنما نواز شریف سے ملاقات کرنے کے لیے کوٹ لکھپت جیل پہنچے۔میڈیا رپورٹس میں بتایا گیا تھا کہ نواز شریف کاجیل میں ملاقات کرنے والوں سے گفتگو کرتے ہوئے کہنا تھا کہ عمران خان انتظامی اور نااہلی چھپانے کے لیے سابق حکومت پر الزام لگا رہے ہیں۔ عمران خان کی نااہلی نے ملک کو تباہی کے دہانے پر پہنچا دیا۔نواز شریف نے مزید کہا کہ ہمارے دور میں بھارتی وزیراعظم خود چل کر پاکستان آئے۔بھارتی وزیراعظم کو کسی نے حلف برداری میں بھی نہیں بلایا۔ہم نے ایٹمی دھماکے کیے تو دنیا کو پاکستان کی اہمیت کا اندازہ ہوا۔نواز شریف نے مزید کہا کہ جب کوئی خود اندر جانے والا ہوتا ہے تو وہ پہلے دوسرے کو اندر بھیجتا ہے۔موجودہ حکومت بلاوجہ بڑے سیاستدانوں کو جیل بھیج رہی ہے۔نواز شریف نے عمران خان پر تنقید کرتے ہوئے مزید کہا کہ ہم نے آئی ایم ایف کو خیرآباد کہہ دیا تھا لیکن یہ ان کے سامنے جھک رہے ہیں۔ن لیگ نے بھرے ہوئے خزانے چھوڑے اور موٹروے بنائی۔ہم ملک میں بجلی بجلی کر دی۔عمران خان نے کہا تھا خودکشی کر لوں گا لیکن آئی ایم ایف کے پاس نہیں جاؤں گا۔