02:56 pm
شہباز شریف نے حکومت کا ساتھ دینے کا اعلان کر دیا

شہباز شریف نے حکومت کا ساتھ دینے کا اعلان کر دیا

02:56 pm

اسلام آ باد( آئی این پی )قو می اسمبلی میں قائد حزب اختلاف شہباز شریف نے ایک بار پھر حکومت کو ملک کو معاشی بحران سے نکالنے کے لئے میثاق معیشت کرنے کے لئے پیشکش کردی جبکہ سپیکراسد قیصر نے کہاکہ یہ کام اب بھی ہو سکتا ہے اور وہ اس کے لئے کردار ادا کرنے کے لئے تیا رہیں۔بدھ کوقو می اسمبلی کااجلاس سپیکر اسد قیصر کی صدارت میں ہوا۔قو می اسمبلی میں قائد حزب اختلاف شہباز شریف نے حکومت کو آ فر کی کہ ملک کو معاشی بحران سے نکالنے کے لئے میثاق معیشت کے لئے تیا رہیں۔ انہوں نے پہلے بھی حکومت کو پیشکش کی تھی
لیکن حکومت نے اس پیشکش کو حقیر سمجھا ۔ اب حکومت کو احساس ہو رہا ہے کہ اس نے قیمتی وقت ضائع کیا، سپیکر اسد قیصر نے کہاکہ یہ کام اب بھی ہو سکتا ہے، وہ اس کے لئے کردار ادا کرنے کے لئے تیا رہیں۔ شہباز شریف نے ان کو پشتوزبان میں شکریہ ادا کرتے ہوئے 'ڈیرہ مہربانی کے الفاظ بولے۔ شہبازشریف نے کہاکہ عمران خان اگر الزام لگانے اور غلط بیانی چھوڑ دیں تو ان کے ساتھ تعاون کے لئے تیار ہیں۔ملک کی ترقی کے لئے حکومت اگر ایک قدم بڑھائے گی تو وہ اس کے لئے دو قدم آگے بڑھ کر تعاون کے لئے تیار ہیں۔(و خ)

تازہ ترین خبریں