03:27 pm
ہم آپ کا لیا ہوا قرضہ اتارنے کےلئے مزید قرضہ لے رہے ہیں، اعظم سواتی

ہم آپ کا لیا ہوا قرضہ اتارنے کےلئے مزید قرضہ لے رہے ہیں، اعظم سواتی

03:27 pm

اسلام آباد( آئی این پی ) وفاقی وزیر برائے پارلیمانی امور اعظم خان سواتی نے کہا ہے کہ ہمارے وزیراعظم نے اپنا خرچہ 40 فیصد کم کیا ہے ، وزیر عظم کے کے گھر کو جو سڑک جارہی ہے وہ بھی اس نے اپنے خرچے سے بنائی ہے،ہم پاکستان کو آگے کی طرف لے کر جائیں گے،30ہزار846ارب روپے کا قرضہ ہمیں ورثے میں ملا ،22کروڑ لوگوں میں سے صرف 20 لاکھ ٹیکس دیتے ہیں جن میں 6لاکھ تنخواہ دار ہیں۔
منگل کو سینیٹ میں بجٹ پر بحث کے دوران سینیٹر اعظم خان سواتی نے کہا کہ دو جماعتوں نے ملک کو نہ صرف گروی رکھا بلکہ تباہی کے دہانے پہنچایا، ہمارے وزیراعظم نے اپنا خرچہ 40 فیصد کم کیا ہے ،اس کے گھر کو جو سڑک جارہی ہے وہ بھی اس نے اپنے خرچے سے بنائی ہے،2008 کے اندر 6ہزار 690ارب روپے کا قرضہ تھا 2018 میں 30ہزار846ارب ارب کا قرضہ ہمیں ورثے میں ملا،جواب ہم سے مانگتے ہیں کہ آپ بتاؤ آپ قرضہ کیوں لے رہے ہو ،قرضہ آپ کا قرضہ اتارنے کے لیئے کے رہے ہیں ،2003سے سن رہا ہوں کہ ٹیکس نیٹ زیادہ کریں ،45 سے 50 فیصد اکانومی گرے ہے ،220 ملین لوگوں میں سے صرف 20 لاکھ ٹیکس دیتے ہیں جن میں 6لاکھ تنخواہ دار ہیں ،ملک مزید تباہی کا متحمل نہیں ہو سکتا ،اعظم خان سواتی نے کہا کہ 2 ہزار ارب صرف قرضوں کا سود ادا کرنا ہوگا،جو کمیشن بننے جا رہا ہے اس سے سارا خاکہ سامنے آئے گا کہ کس نے کتنا قرضہ لیا اور اس سے کیا فائدہ ہوا، میں سمجھتا ہوں کہ آج مشکلات ہیں ،ہم میں سے ہر ایک نے قربانی دینی ہے ،ہم پاکستان کو آگے کی طرف لے کر جائیں گے۔

تازہ ترین خبریں