03:57 pm
 پاکستانی بلاگر بلال خان کے قتل کو منفی رنگ دیتے ہوئے سوشل میڈیا پر اوصاف کے نام سے جعلی خبر چلائی جانے لگی

پاکستانی بلاگر بلال خان کے قتل کو منفی رنگ دیتے ہوئے سوشل میڈیا پر اوصاف کے نام سے جعلی خبر چلائی جانے لگی

03:57 pm

اسلام آباد (روزنامہ اوصاف )پاکستان کےموقر روزنامہ ’’ اوصاف ‘‘ کے خلاف سوشل میڈیا پر سازش بے نقاب ، معروف سوشل میڈیا بلاگر محمد بلال خان کے قتل کو منفی رنگ دیتے ہوئے روزنامہ اوصاف کیخلاف گھنائونی سازش کی جانے لگی ۔ تفصیلات کے مطابق گزشتہ دنوں معروف سوشل میڈیا بلاگر محمد بلال خان کو اسلام آباد کے جی نائن فور سیکٹر میں قتل کر دیا گیا تھا ۔
مقتول اپنی اسلامی پوسٹوں اور ویڈیوز کے حوالے سے کافی مقبول تھا جس کے قتل کی تحقیقات اسلام آباد پولیس کر رہی ہے تاہم کچھ سازشی عناصر مقتول کے قتل کو منفی رنگ دیتے ہوئے ایک من گھڑت کہانی پاکستان کے موقر روزنامہ ’’اوصاف ‘‘ اخبار سے منسوب کرکے  سوشل میڈیا پر وائرل کر رہے ہیں جس کا حقیقت سے کوئی تعلق نہیںاور یہ ایک جعلی پوسٹ ہے جسے فوٹو شاپ پر ایڈٹ کرکے کےروزنامہ اوصاف کو بدنام کیا جا رہاہے ۔ اس ضمن میں روزنامہ اوصاف نے سائبر کرائم ونگ کو درخواست بھی دیدی ہے کہ اس سازش کیخلاف تحقیقات کی جائیں اور روزنامہ اوصاف کیخلاف اس گھنائونے پراپیگنڈہ کو بے نقاب کیا جا سکے ۔  ‎

تازہ ترین خبریں