04:27 pm
جعل ساز چینی کمپنی کا پاکستانی شہریوں سے دو ارب روپے کا فراڈ

جعل ساز چینی کمپنی کا پاکستانی شہریوں سے دو ارب روپے کا فراڈ

04:27 pm

کراچی/لاہور/اسلام آباد (مانیٹرنگ ڈیسک )چینی جعل ساز کمپنی کا پاکستانی شہریوں کے ساتھ فراڈ، دو ارب روپے کا ٹیکا لگا دیا۔ چینی جعل ساز کمپنی کا کراچی کے علاقے ڈیفنس میں دفتر قائم تھا جہاں سے شہریوں کو سرمایہ کاری کرکے منافع کا جھانسہ دیا جاتا تھا۔
فراڈیوں نے کراچی میں ہی نہیں بلکہ لاہور اور اسلام آباد میں بھی شہریوں کو چونا لگایا۔چینی کمپنی کی جانب سے ممبرز کو سرمایہ کاری پر سپرسٹورز میں دکانوں، موٹرسائیکل اور کاروں کا لالچ دیا گیا۔ نجی ٹی وی کے مطابق پولیس نے اکتوبر 2018میں فراڈ سے متعلق خفیہ رپورٹ جاری کی۔رپورٹ میںکہا گیا کہ ڈیفنس میں چینی شہری پاکستانیوں کے ساتھ ملکر منظم فراڈ کر رہے ہیں، رپورٹس کے بعد بھی کسی وفاقی و صوبائی ادارے نے نوٹس نہیں لیا، حکام خاموش تماشائی بنے رہے۔

تازہ ترین خبریں