06:22 pm
جی سی یونیورسٹی فیصل آباد میں ہراسانی کی شکایت کرنے پر خاتون پروفیسر برطرف

جی سی یونیورسٹی فیصل آباد میں ہراسانی کی شکایت کرنے پر خاتون پروفیسر برطرف

06:22 pm

فیصل آباد(آئی این پی ) گورنمنٹ کالج یونیورسٹی کی انتظامیہ نے ہراسانی کی شکایت کرنے کا ازالہ کرنے کے بجائے خاتون ٹیچر کو ہی عہدے سے ہٹادیا،ڈسپلن کمیٹی نے طالبعلم کو معطل کر کے یونیورسٹی میں داخلہ بند کر دیا تھا۔ تفصیلات کے مطابق فیصل آباد کی جی سی یونیورسٹی انتظامیہ نے ہراسانی کی شکایت کرنے پر شعبہ ابلاغ عامہ کی کوآرڈینیٹر ڈاکٹر سلمی عمبر کو ہی عہدے سے برطرف کردیا، ڈاکٹر سلمی عمبر نے یونیورسٹی انتظامیہ کے فیصلے کے خلاف عدالت میں رٹ دائرکر دی۔ڈاکٹر سلمی نے ایک طالب علم کے خلاف ہراساں کرنے کی شکایت درج کرائی تھی
جس پر تحقیقات ہوئیں اور ڈسپلن کمیٹی نے جرم ثابت ہونے پر ہراسانی میں ملوث طالبعلم کو معطل کر کے یونیورسٹی میں داخلہ بند کردیا تھا۔ ڈاکٹر سلمی نے رٹ میں مقف اختیار کرتے ہوئے کہا ڈسپلنری کمیٹی نے میرے حق میں فیصلہ دیا مگر وائس چانسلر نے مجھے ہی عہدے سے ہٹا دیا۔ماس کمیونیکیشن ڈیپارٹمنٹ میں ایم فل کے طالبعلم وسیم نواز نے 15 مئی کو ڈاکٹر سلمی عمبر کے دفتر اور برآمدے میں انہیں گالیاں دیں تھیں، واقعے کی سی سی ٹی وی فوٹیج بھی سامنے آگئی جس میں طالبعلم کو جھگڑا کرتے اور ہنگامہ کرتے دیکھا جا سکتا ہے۔

تازہ ترین خبریں