جس سے اس کی ایک نوسالہ بیٹی بھی ہے۔مقتولہ مرسلین کے ورثاء کی طرف سے ایس ایچ اوتھانہ بہارہ کہوکو دی گئی درخواست میں موقف اختیار کیا گیا ہے کہ پندرہ جون کی صبح مرسلین کی ہمشیرہ گلزرین اپناچیک اپ کروانے پمزہسپتال گئی تواس نے دیکھاکہ مرسلین سرجیکل وارڈ نمبر تین میں داخل تھی جس پر اس نے مرسلین سے حیرانگی میں پوچھا کہ یہاں کب اورکیوں داخل ہوئی ہو؟؟ جس پر مرسلین نے اسے بتایا کہ میں پانچ روز سے یہاں ہوں۔میرا خاوند مجھے یہاں داخل کرکے گیا ہے۔درخواست میں مزید کہا گیا ہے کہ مرسلین نے اپنی ہمشیرہ کو بتایا کہ پانچ روز قبل سسرالیوں نے زبردستی تیزاب پلایا جس کے بعد میری طبعیت خراب ہوگئی اور بعدازاں مجھے ہسپتال لے آئے اور یہاں آکر سسرالیوں نے ہسپتال والوں کو یہ بیان دیاکہ میں نے خود تیزاب پیاہے۔مرسلین کے ورثاء کی طرف سے دی گئی اس درخواست پر پولیس نے کوئی قانونی کارروائی نہ کی۔بعدازاں اٹھارہ جون کی رات تقریباً گیارہ بجے وہ دم توڑگئی۔جس کے بعد پولیس نے واقعہ کا مقدمہ درج کرلیا۔مرسلین کے ورثاء کی طرف سے دی گئی درخوست میں ذکر کیا گیا ہے کہ مرسلین کے خاوند ارشدعباسی کا شہنازنامی شادی شدہ خاتون کے ساتھ ناجائزتعلقات تھے جس پر مرسلین کا اپنے خاوند کے درمیان اکثر جھگڑا رہتا تھا۔اسی وجہ سے وقوعہ کے روز ارشد عباسی اوراس کی بہنوں ریحانہ بی بی،رخسانہ بی بی اوراس کی مبینہ معشوقہ شہناز نے مل کر اسے جان سے مارنے کے لئے تیزاب پلایا۔پولیس ذرائع کا کہنا ہے کہ 19جون بروز بدھ کو مقتولہ مرسلین کا پمزہسپتال سے پوسٹ مارٹم کرایا گیا جس کے بعد نعش ورثاء کے حوالے کردی گئی ہے