07:43 am
امیر قطر شیخ تمیم بن حمد الثانی کی پاکستان آمد کے شیڈول میں تبدیلی

امیر قطر شیخ تمیم بن حمد الثانی کی پاکستان آمد کے شیڈول میں تبدیلی

07:43 am

اسلام آباد(نیوز ڈیسک )امیر قطر شیخ تمیم بن حمد الثانی کی پاکستان آمد کے شیڈول میں تبدیلی کردی گئی ہے۔ امیر قطر اب ہفتہ کی شام کو پاکستان پہنچیں گے۔دفترخارجہ ذرائع نے ہم نیوز کو بتایا ہے کہ امیر قطر کے نتھیا گلی جانے کا پروگرام بھی منسوخ کردیا گیاہے۔سفارتی ذرائع کے مطابق امیر قطر شیخ تمیم بن حمد الثانی کے ہمراہ اعلیٰ سطح کا وفد بھی ہو گا۔ امیر قطر کے دورۂ پاکستان میں بائیس ارب ڈالر کی سرمایہ کاری کا امکان ظاہر کیا جارہا ہے۔
نئے شیڈول کے مطابق وزیراعظم عمران خان ائر پورٹ پر معزز مہمان کا استقبال کریں گے۔پاکستان آمد کے بعد امیر قطر وزیراعظم ہاؤس جائیں گے جہاں معزز مہمان کو گارڈ آف آنر پیش کیا جائے گا۔امیر قطر کی وزیراعظم ہاؤس میں ون آن ون ملاقات کے بعد وفود کی سطح پر مذاکرات ہوں گے۔اس موقع پر پاکستان اور قطر کے درمیان مفاہمت کی یاد داشتوں پر دستخط ہوں گے ۔وزیراعظم عمران خان قطر سے آنے والے معزز مہمانوں کے اعزاز میں عشائیہ بھی دیں گے۔اتوار کو امیر قطر کا سرمایہ کاری کانفرنس میں شرکت کا امکان بھی ہے۔ اسی روز امیر قطر ایوان صدر میں صدر عارف علوی سے ملاقات کریں گے۔صدر مملکت امیر قطر کو اعلی ترین اعزاز سے نوازیں گے ۔اتوار کو صدر مملکت کی طرف سے قطری وفد کے اعزاز میں ظہرانہ دیا جائے گا۔

تازہ ترین خبریں