03:06 pm
 کپتان کی مخصوص مسکراہٹ کیساتھ دبنگ انٹری

کپتان کی مخصوص مسکراہٹ کیساتھ دبنگ انٹری

03:06 pm

اسلام آباد (روزنامہ اوصاف ) اپوزیشن جماعتوں کی طرف سے یہ اکثر تنقید کی جاتی ہے کہ وزیراعظم عمران خان قومی اسمبلی میں نہیں آتےتاہم آج قومی اسمبلی کے اجلاس کے دوران وزیراعظم اچانک آئے۔وزیراعظم کی قومی اسمبلی آمد پر اپوزیشن ارکان حیران ہوئے جبکہ کہ پی ٹی آئی کے ارکان اسمبلی نے کھڑے ہوکر ڈسک بجائے اور وزیراعظم عمران خان کا استقبال کیا۔ وزیراعظم عمران خان ہاتھ میں تسبیح لیے اپنی کرسی پر جا کر بیٹھ گئے۔
وزیراعظم عمران خان وفاقی وزیر غلام سرور کی شہباز شریف کی تنقید پر مسکراتے بھی رہے۔خیال رہے وزیراعظم عمران خان نے بجٹ پیش ہونے کے بعد روزانہ پارلیمنٹ ہاؤس جانے کا فیصلہ کیا، حکومت اپوزیشن کا ہر جگہ بھرپور تیاری سے جواب دے گی۔ وزیراعظم نے پارلیمانی سیاست میں بھی فرنٹ فٹ پر کھیلنے کا فیصلہ کیا۔جس کے تحت وزیراعظم عمران خان نے بجٹ پر بحث کے دوران روزانہ پارلیمنٹ ہاؤس میں آنے کا فیصلہ کیا۔ وزیراعظم بجٹ سیشن کے دوران زیادہ وقت اپنے چیمبرمیں بیٹھیں گے۔ وزیراعظم پارلیمنٹ کے سیشن میں بھی باقاعدگی سے شرکت کریں گے۔ میڈیا رپورٹس کے مطابق وزیراعظم عمران خان روزانہ 2 سے 3 گھنٹے پارلیمنٹ ہاؤس میں موجود رہیں گے۔

تازہ ترین خبریں