07:15 am
جعلی اکاؤنٹس کیس: آصف علی زرداری کے ریمانڈ‌میں 11 روز کی توسیع

جعلی اکاؤنٹس کیس: آصف علی زرداری کے ریمانڈ‌میں 11 روز کی توسیع

07:15 am

اسلام آباد(نیوز ڈیسک ) جعلی اکاؤنٹس کیس میں گرفتار سابق صدرآصف علی زرداری کے ریمانڈ میں احتساب عدالت نے 11 روز کی توسیع کردی گئی۔تفصیلات کے مطابق اسلام آباد کی احتساب عدالت میں سابق صدر آصف علی زرداری کے خلاف جعلی اکاؤنٹس کیس کی سماعت معزز جج ارشد ملک نے کی ، نیب کی جانب سے ریمانڈ میں 14 روز کی توسیع کے لیے درخواست کی گئی۔فریقین کے دلائل سننے کے بعد احتساب عدالت نے سابق صدر کے ریمانڈ میں 11 روز کی توسیع کرتے ہوئے 11 فاروق ایچ نائیک کی درخواست پر دو جون کو سماعت مقرر کردی۔عدالت میں سماعت کے بعد نیب کی ٹیم پارلیمنٹ کی جانب سے جاری کردہ پروڈکشن آرڈر کے سبب آصف علی زرداری کو لے کر پارلیمنٹ ہاؤس پہنچ گئی
جہاں وہ اجلاس میں حصہ لیں گے۔احتساب عدالت میں آج سابق صدر آصف علی زرداری کی پیشی کے موقع پر پولیس نے پیپلزپارٹی کے رہنماؤں کو عدالت میں داخل ہونے کی اجازت نہیں دی جس کے بعد پیپلزپارٹی کے ارکان پارلیمنٹ عدالت کے باہرموجود رہے۔سابق صدر کی احتساب عدالت میں پیشی کے موقع پرسیکیورٹی کے سخت انتظامات کیے گئے تھے۔ عدالت کی جانب آنے والے تمام راستے بند کردیے گئے ہیں۔دورانِ سماعت آصف زرداری کے وکیل لطیف کھوسہ نے نیب کی جانب سے مزید جسمانی ریمانڈ کی استدعا پر اعتراض کرتے ہوئے کہا کہ یہ نیب والے 14،14 دن کا جسمانی ریمانڈ کیوں مانگ رہے ہیں؟اس موقع پر آصف زرداری کا کہنا تھا کہ ایک ہی دفعہ 90 دن کا جسمانی ریمانڈ دے دیں تاہم احتساب عدالت نے سابق صدر کو مزید 11 روز کے لیے نیب کے حوالے کرتے ہوئے انہیں 2 جولائی کو دوبارہ پیش کرنے کا حکم دیا۔

تازہ ترین خبریں