09:32 am
  پاکستان ’ فنانشنل ایکشن ٹاسک فورس‘کی بلیک لسٹ میں جانے سے بچ گیا

 پاکستان ’ فنانشنل ایکشن ٹاسک فورس‘کی بلیک لسٹ میں جانے سے بچ گیا

09:32 am


اسلام آباد (روزنامہ اوصاف)بھارت کو عالمی سطح پر منہ کی کھانی پڑ گئی ، پاکستان کے 3مگر دنیا میں انتہائی دبنگ دوست ملک کا کمانڈو ایکشن ، مودی سرکار کو دھول چٹا کر رکھ دی ۔۔۔ پاکستان ممکنہ طور پر ایف اے ٹی ایف (فنانشنل ایکشن ٹاسک فورس) کی بلیک لسٹ میں جانے سے بچ گیا۔ بھارت کی پاکستان کو معاشی نقصان پہنچانے کی کوششیں  ناکام ہوگئی۔
پاکستان ایف اے ٹی ایف (فنانشنل ایکشن ٹاسک فورس) کی  بلیک لسٹ سے بچ گیا ہے۔ پاکستان نے ایف اے ٹی ایف کی بلیک لسٹ سے بچانے کیلئے تین اہم دوست ممالک ترکی، چین اور ملائیشیا کی حمایت حاصل کرلی ہے اور بھارت کا راستہ روکنے کیلئے جارحانہ سفارتکاری اپنائی گئی۔ چند روز قبل ایف اے ٹی ایف اجلاس میں بھارت کی پاکستان کو بلیک لسٹ کرنے کی قرارداد چین، ترکی اور ملائیشیا نے روک دی تھی۔ موجودہ اجلاس میں پاکستان کے بلیک لسٹ میں جانے کے امکانات کم ہیں۔ اگر پاکستان کو اس اجلاس میں بلیک لسٹ کیا جاتا ہے تواقتصادی پابندیاں اس اجلاس میں نہیں لگائی جائیں گی۔ فنانشنل ایکشن ٹاسک فورس کی جانب سے پاکستان کو بلیک لسٹ میں ڈالنے یا نہ ڈالنے سے متعلق حتمی اعلان اکتوبر میں کیا جائے گا۔ پاکستان ایف اے ٹی ایف کی نظرمیں جون 2018 سے ہے، جب ملک کے مالی نظام اورسیکیورٹی میکانزم کی تشخیص کے بعد دہشت گردی کی مالی معاونت اورمنی لانڈرنگ کے خدشات کی بنا پر اسے ‘گرے لسٹ’ میں ڈالا گیا تھا۔


 

تازہ ترین خبریں