03:38 pm
سینیٹ قائمہ کمیٹی نے غیر حاضری پر وزیر داخلہ کو آخری  وارننگ دے دی

سینیٹ قائمہ کمیٹی نے غیر حاضری پر وزیر داخلہ کو آخری وارننگ دے دی

03:38 pm

اسلام آباد (مانیٹرنگ ڈیسک) چئیرمین قائمہ کمیٹی برائے داخلہ رحمان ملک نےوزیر داخلہ کو خبردار کیا ہےکہ آئندہ ان کی غیر حاضری کی صورت میں ان کی کمیٹی رکنیت معطل کردی جائے گی۔سینیٹ قائمہ کمیٹی برائے داخلہ کے اجلاس میں سی ڈی اے کی جانب سے خطیبوں اورموذن کے گھروںکی ملازمین کو الاٹمنٹ کا معاملہ زیر بحث آیا۔ حکام نے کہا کہ اسلام آباد میں خطباء اور مئوذن کے لیے 6 گھر بنائے گئے ہیں۔
جاوید عباسی نے کہا کہ خطیبوں اورمئوذن کے گھرسی ڈی اے دیگرملازمین کو کیوں الاٹ کررہا ہے۔ اس پرسینیٹر رحمان ملک نے کہا کہ گھر جس مقصد کے لیے بنے ان کو ہی الاٹ ہونے چاہئیں۔ کمیٹی نے موذن اورخطباء کے لیے بنائے گئے سرکاری گھر خالی کرانے کی ہدایت کردی۔ چیئرمین کمیٹی سینیٹر رحمان ملک نے کہا کہ گھر خالی کرا کر مئوذن اور خطباء کو الاٹ کیے جائیں۔ کمیٹی ارکان نے اجلاس میں وزیرداخلہ کی عدم شرکت پراظہار ناراضی کیا۔ سینیٹر جاوید عباسی نے کہا کہ وزیرداخلہ کمیٹی کے ایک اجلاس میں بھی شریک نہیں ہوئے۔