05:35 pm
وفاقی حکومت نے گریڈ 1سے گریڈ 5تک کے ملازمتوں پر بھرتیاں قرعہ اندازی کے ذریعے کرنے کی منظوری دیدی

وفاقی حکومت نے گریڈ 1سے گریڈ 5تک کے ملازمتوں پر بھرتیاں قرعہ اندازی کے ذریعے کرنے کی منظوری دیدی

05:35 pm

پشاور (آن لائن) وفاقی حکومت نے گریڈ 1سے گریڈ 5تک کے ملازمتوں پر بھرتیاں قرعہ اندازی کے ذریعے کرنے کی منظوری دیدی ہے وفاق نے میرٹ پر بھرتیاں کرنے اور سفارشی کلچر کوختم کرنے کے لئے نیا سسٹم مرتب کیا ہے ۔ اس ضمن میں متعلقہ محکموں ، وزارتوں اور چاروں صوبائی حکومتوں کو بھی آگاہ کر دیا ہے سول سرونٹ ایکٹ 1973میں بھرتیوں کا طریقہ کار کے رول میں ترامیم کر دی گئی ہیں
نئی ترمیم کے تحت گریڈ 1سے گریڈ 5تک ملازمتوں پر اب بھرتیاں قرعہ اندازی کے ذریعے ہو گی جو درخواست گزار بھی اہلیت رکھتے ہو نگے ان کو بغیر انٹرویو کے قرعہ اندازی سے بھرتی کیا جائے گا وفاقی کابینہ نے پہلے سے اس کی منظوری دی ہے اعلامیہ کے مطابق اب گریڈ 1اور گریڈ 2کے بجائے گریڈ 1سے گریڈ 5تک آسامیوں کے لئے مقامی ڈومیسائل رکھنے والے امیدواروںکو قرعہ اندازی کے ذریعے بھرتی کیاجا سکے گا حکومت نے گریڈ 1سے گریڈ 5کے کلاس فور ملازمین کے لئے امتحانات کو غیر ضرور ی تصور کرتے ہو ئے رولز میں ترامیم کرنے کی منظوری دی تھی ترامیم کے بعد خیبر پختونخوا میں گریڈ 1سے گریڈ 5کے سرکاری ملازمت صرف مقامی ڈومیسائل رکھنے والے امیدوراوںکو دی جائیگی خیبر پختونخوا کے علاوہ ملک بھر میں نئے قانون پر عمل درآمد کیا جائے گا

تازہ ترین خبریں