02:03 pm
لفظ سلیکٹڈ پرپابندی ،اراکین اسمبلی سےمشاورت کریں گے ،زرداری

لفظ سلیکٹڈ پرپابندی ،اراکین اسمبلی سےمشاورت کریں گے ،زرداری

02:03 pm

اسلام آباد(مانیٹرنگ ڈیسک)پاکستان پیپلزپارٹی کے شریک چیئرمین اورسابق صدرآصف علی زرداری نے کہاہے کہ وہ لفظ سیلیکٹڈ کی قومی اسمبلی میں پابندی پراراکین پارلیمنٹ سے مشاورت کریں گے ۔قومی اسمبلی میں اپوزیشن اراکین کی جانب سے وزیراعظم عمران خان کوسیلکٹڈ وزیراعظم کہاجاتارہاگزشتہ روز ڈپٹی سپیکرقومی اسمبلی قاسم سوری نے رولنگ دیتے ہوئے لفظ سیلکٹڈپرپابندی عائدکردی تھی۔صحافی کے سوال کاجواب دیتے ہوئے
سابق صدرنے کہاکہ اس لفظ پرلگی پابندی پراراکین اسمبلی سے بات کریں گے جبکہ اس پربھی مشاورت کریں گے کہ کیااس لفظ پرپابندی لگ سکتی ہے یانہیں ۔پاکستان پیپلزپارٹی کی سینئررہنما شیری رحمان نے عمران خان کی طرزحکمرانی پرتنقیدکرتےہوئے کہاکہ اگرعمران خان کوسیلیکٹ کرنے والوں نے انہیں پہلے میانوالی کاکونسلربنوادیاہوتاتوآج ملک کی یہ حالت نہ ہوتی اپنی بات کوجاری رکھتے ہوئے انہوں نے کہاکہ جس شخص کی کونسلرکی سیٹ جیتنے کی اہلیت نہ ہواوروہ وزیراعظم سلیکٹ ہوجائے توملک تباہ حال ہی ہوگا۔

تازہ ترین خبریں