05:04 pm
کیپٹن (ر) صفدر نے اپنے سسرالی خاندان کی مبینہ کرپشن پر انوکھی منطق پیش کر ڈالی

کیپٹن (ر) صفدر نے اپنے سسرالی خاندان کی مبینہ کرپشن پر انوکھی منطق پیش کر ڈالی

05:04 pm

اسلام آباد (روزنامہ اوصاف ) سابق وزیر اعظم نواز شریف کے داماد نے اپنے سسرالی خاندان کی مبینہ کرپشن کیخلاف عجیب و غریب انداز میں انداز میں بات کرتے ہوئے کہا ہے کہ میں قسم خدا کی باوضو کھڑا ہوں۔ اکثر دوستوں سے کہتا ہوں کہ اگر میرا سسر نواز شریف کرپٹ ہوتا تو مجھے ایک کنال کا گھر تو بنا کر دیتا۔ میرا سسر کیسا کرپٹ ہے کہ اسکے داماد کے پاس توپورے پاکستان میں ایک گھر بھی نہیں ہے۔
دریں اثنا صحافیوں سے گفتگو کرتے ہوئے ان کا مزید کہنا تھا کہ الیکشن میں پورے ملک میں دھاندلی ہوئی نتائج بدلے گئے۔ آج ملک خطرات میں ہےتو طاہرالقادری سکون سے باہر بیٹھا ہے، نوازشریف اپنی بیٹی کو لیکر آئین کی بالا دستی کیلئے اڈیالہ جیل گئے۔ ان کا کہنا تھا کہ عمران حکومت کے بجٹ نے عوام کا سکون چھین لیا ہے۔ آج ہمنہ نکلے تو پاکستان کی سالمیت کو خطرہ ہے، پاکستان کے آئین، پاکستان کے نظریے اور سرحدوں کو خطرہ ہے، 22 کروڑ عوام کو مریم نواز کے ساتھ نکلنا ہو گا تبھی پاکستان کو بچایا جا سکتا ہے، مریم نواز نے ہتھکڑیاں پہننے کے لیے چوڑیاں پہننا چھوڑ دیاہے۔

تازہ ترین خبریں