09:51 am
لال مسجد کے خطیب عامر صدیقی کو عہدے سے ہٹا دیا گیا

لال مسجد کے خطیب عامر صدیقی کو عہدے سے ہٹا دیا گیا

09:51 am

اسلام آباد (روزنامہ اوصاف ) تازہ ترین میڈیا رپورٹس کے مطابق وفاقی دارالحکومت کی معروف لال مسجد کے خطیب عامر صدیقی کو عہدے سے ہٹا دیا گیا جبکہ مولانا عبد العزیز پر بھی مسجد میں داخلے پر 3ماہ کی پابندی عائد کر دی گئی ہے ۔یاد رہے مولانا عبدالعزیز 1998 سے 2004 تک خطیب رہے ، انہیں لال مسجد کے آپریشن کے دوران 2007 میں گرفتار کر لیا گیا تھا ،
تاہم بعد ازاں مولانا عبدالغفار کو خطیب اور عامر صدیقی کو عارضی بنیادوں پر نائب خطیب تعینات کیا گیا تھا ۔ 2009 میں مولانا غفار نے مولانا عبدالعزیز کی رہائی کے بعد مسجد چھوڑ دی اور بعدازاں مولانا عبدالعزیز نے 2014 میں پابندی لگنے تک منصب سنبھالے رکھا۔ جس کے بعد مولانا عامر صدیقی نماز کی ادائیگی کرواتے رہے اور تین ماہ قبل انہیں مسجد کا خطیب تعینات کیا گیا تھا ۔چند دن پہلے ہی اسلام آباد پولیس نے لال مسجد میں چھاپہ مارکر جامعہ حفصہ کے ترجمان مولانا ادریس سمیت تین افراد کو حراست میں لے کر نامعلوم مقام پر منتقل کردیا تھا۔

تازہ ترین خبریں