04:22 pm
بلاول بھٹو زرداری حکومت گرائو تحریک کا حصہ بننے سے انکاری ہو گئے

بلاول بھٹو زرداری حکومت گرائو تحریک کا حصہ بننے سے انکاری ہو گئے

04:22 pm

اسلام آباد (مانیٹرنگ ڈیسک ) حکومت کےخلاف بلائی گئی آل پارٹیز کانفرنس ناکام ہو گئی ہے۔ پیپلزپارٹی نے حکومت گرانےکی مولانا فضل الرحمان کی تجویز کو ماننے سے انکار کر دیا ہے۔ جبکہ مسلم لیگ (ن) بھی حکومت گرائو تحریک کے معاملے پر دو حصوں میں تقسیم ہو گئی ہے۔ تفصیلات کے مطابق چئیرمین پیپلزپارٹی بلاول بھٹو زرداری نے حکومت کو گرانے کی مولانا فضل الرحمان کی تجویز کو ماننے سے انکار کر دیا ہے۔
اور جمہوریت اور پارلیمان کا راستہ اپناکر اپنا کردار ادا کرنے کا فیصلہ کر لیاہے۔ دوسری جانب مسلم لیگ (ن) بھی حکومت کو گرا دینے اور اسمبلیوں سے استعفے کے معاملےپر دو حصوں میں تقسیم نظر آرہی ہے۔سوائے پیپلزپارٹی کے تمام جماعتیں حکومت سے چھٹکارہ حاصل کرنا چاہتی ہیں۔ سیاسی مبصرین نے بھی اے پی سی کو ناکامی سے عبارت قرار دے دیا ہےاور کہا ہے کہ موجود ہ اپوزیشن کی اے پی سی صرف تنقیدی الفاظ اور تقاریر سے زیادہ کچھ نہیں تھی۔ اس سے حکومت کو زیادہ پریشانی کا سامنا نہیں رہے گا۔اپوزیشن جماعتیں کسی ایک نکتےپر متفق بھی نہیں ہیں۔ تاہم یہ طے ہے کہ چئیرمین سینیٹ کے خلاف عدم اعتماد کی تحریک چلاکر انھیں ہٹایا جا سکتا ہے۔

تازہ ترین خبریں