05:05 pm
آصف زرداری کے بعد مریم نواز کا انٹرویو بھی روک دیا گیا

آصف زرداری کے بعد مریم نواز کا انٹرویو بھی روک دیا گیا

05:05 pm

اسلام آباد (مانیٹرنگ ڈیسک)سابق صدر آصف علی زرداری کے بعد مریم نواز کا انٹرویو بھی نجی ٹی وی چینل پر آن ائیر ہونے کے چند ہی منٹ بعد روک لیا گیا ہے۔تفصیلات کے مطابق پاکستان مسلم لیگ ن کی نائب صدر مریم نواز شریف نے جمعرات کو نجی ٹی وی پرسینئر اینکر پرسن ندیم ملک کو انٹرویو دیا جس میں انہوں نے جج ارشد ملک کی ویڈیو کے حوالے سے گفتگو کی۔
مریم نواز کا انٹرویو بمشکل 10 سے 11 منٹ ہی چلا تھا کہ اس کوآف ایئر کردیا گیا ہے جبکہ پروگرام کے میزبان نے بھی انٹرویو نشر ہونے سے زبردستی روکے جانے کی تصدیق کی ہے ۔دوسری طرف نجی چینل کی جانب سے اپنے یوٹیوب چینل پر مریم نواز کے انٹرویو کا وہ حصہ شیئر کیا گیا ہے جو آن ایئر ہوا جبکہ وہی ویڈیو اینکر ندیم ملک کے ٹوئٹراکاؤنٹ پر بھی موجود ہے۔

تازہ ترین خبریں