05:21 pm
نیب جج کی مبینہ ویڈیو کی تحقیقات کےلئےسپریم کورٹ میں آئینی درخواست دائر

نیب جج کی مبینہ ویڈیو کی تحقیقات کےلئےسپریم کورٹ میں آئینی درخواست دائر

05:21 pm

اسلام آباد (مانیٹرنگ ڈیسک) نیب عدالت کے جج ارشد ملک کی مبینہ ویڈیو کی تحقیقات کےلئے سپریم کورٹ آف پاکستان میں آئینی درخواست دائر کر دی گئی۔ تفصیلات کے مطابق احتساب عدالت کے جج ارشد ملک کی مبینہ ویڈیو کی تحقیقات کے لیے آئینی درخواست سپریم کورٹ میں دائر کردی گئی ہے، درخواست میں موقف اختیار کیا گیا ہے کہ عدالت ہر صورت اس معاملے کی تحقیقات کرائے،
جج ارشد ملک نے جو پریس ریلیز میں رشوت کی آفر کرنے کی بات کی ہے وہ سنجیدہ نوعیت کی ہے۔ جج ارشد ملک اپنی پریس ریلیز میں مریم نواز کے لگائے گئے الزمات ماننے سے انکار کرچکے ہیں لہذا جو الزامات عدلیہ پر لگائے گئے اس کی تحقیقات کا ہونا ضروری ہے۔درخواست میں کہا گیا ہے کہ 6 جولائی کی پریس کانفرنس کا ریکارڈ پیمرا سے طلب کیا جائے،اس ویڈیو سے یہ تاثر ملتا ہے کہ عدلیہ آزادی سے کام نہیں کرتی اور بلیک میل ہوتی ہے لہذا وفاقی حکومت کو ہدایت کی جائے کہ عدلیہ کی آزادی کے لیے اقدامات کرے

تازہ ترین خبریں