09:03 am
 اگر 15 جولائی تک مطالبات تسلیم نہ کیے گئے تو وہ ریل کا پہیہ جام کریں گے،ریلوے ملازمین

اگر 15 جولائی تک مطالبات تسلیم نہ کیے گئے تو وہ ریل کا پہیہ جام کریں گے،ریلوے ملازمین

09:03 am

لاہور(نیوز ڈیسک ) ریلوے ملازمین نے خبردار کیا ہے کہ اگر ان کے مطالبات 15 جولائی تک تسلیم نہ کیے گئے تو وہ ریل کا پہیہ جام کریں گے۔میڈیا نیوز کے مطابق ریل مزدور اتحاد کے زیراہتمام کیرج ورکشاپ مغلپورہ میں منعقدہ احتجاجی مظاہرے میں کہی گئی جس میں ملازمین نے بڑی تعداد میں شرکت کی۔ریل مزدور اتحاد کے احتجاجی مظاہرے میں شریک ملازمین نے مطالبات کیے کہ وزیراعظم پیکج اور کنٹریکٹ ملازمین کو فی الفور کنفرم کیا جائے، اسکیل ایک تا 16 کی اپ گریڈیشن کی جائے اور ٹیکنیکل الاؤنس 50 فیصد دیا جائے۔ریلوے ملازمین نے احتجاجی مظاہرے میں حکومت سے یہ مطالبہ بھی کیا کہ مہنگائی کے تناسب سے تنخواہوں میں 50 فیصد اضافہ کیا جائے
تنخواؤں میں 50 فیصد اضافہ کیا جائے۔مظاہرین کا کہنا تھا کہ ریل کا پہیہ ریلوے ملازمین کی وجہ ہی سے رواں دواں ہے لیکن ظلم کی حد یہ ہے کہ ورکشاپوں سمیت دیگر شعبوں میں کام کرنے والے اسٹاف کو میٹریل تک مہیا نہیں کیا جارہا ہے جس کی وجہ سے کام کرنے میں سخت مشکلات کا سامنا کرنا پڑ رہا ہے۔

تازہ ترین خبریں