01:13 pm
ارشد ملک کی چھٹی کروانے کے بعد (ن) لیگ کا اگلاشکار کون ہے،نیا ویڈیو اسکینڈل سامنے آنے کو تیار

ارشد ملک کی چھٹی کروانے کے بعد (ن) لیگ کا اگلاشکار کون ہے،نیا ویڈیو اسکینڈل سامنے آنے کو تیار

01:13 pm

لاہور(مانیٹرنگ ڈیسک)ارشد ملک کی چھٹی کروانے کے بعد (ن) لیگ کا اگلاشکار کون ہے،نیا ویڈیو اسکینڈل سامنے آنے کو تیار، پاکستانیوں کیلئے بڑی خبر۔۔۔نجی ٹی وی چینل کے پروگرام میں بات کرتے ہوئے سینئرصحافی و تجزیہ کار عارف حمید بھٹی نے کہا کہ آنے والے دنوں میں مریم نواز کا میڈیا سیل آنے والے دنوں میں ایک اور اہم شخصیت کی کردار کشی کرنے والا ہے۔ انہوں نے کہا کہ احتساب عدالت کے جج ارشد ملک کی ویڈیو
کے معاملے پر حکومتی کردار بھی مشکوک ہے۔حکومت بھی ڈیلیور کرنے میں ناکام ہو چکی ہے۔ اگر جج صاحب کے خلاف ویڈیو ریکارڈ اور ٹیمپر کرنے والوں کو معاف کر دیا گیا تو صحیح نہیں ہو گا کیونکہ اگر دیکھا جائے تو ماضی میں بھی یہی ہوتا آیا ہے۔ پہلے انہوں نے سپریم کورٹ پر حملہ کیا تھا۔ جج صاحبان اپنی سیٹوں سے اُٹھ کر چلے گئے۔ جس کے بعد جسٹس قیوم کی ٹیپ آئی جس میں شہباز شریف کو اُن کے ساتھ باقاعدہ طور پر گفتگو کرتے ہوئے سنا گیا، اور اب جج ارشد ملک کا معاملہ، لیکن آج تک ان کو کسی نے کچھ نہیں کہا۔یہ ہمارے ملک کی مقدس گائے ہیں۔ اگر ان کو کچھ نہ کہا گیا تو میری اطلاع کے مطابق آنے والے دنوں میں مریم نواز کا لندن والا میڈیا سیل کسی اور اہم ترین شخصیت کی کردار کشی کرے گا۔ اگر حکومت چاہتی تو پہلے ہی دن ویڈیو کو پکڑتی اور اس کا فرانزک کروا کر ذمہ داران کو پکڑتی۔ لیکن نہ تو ماضی میں ایسا ہوا اور نہ ہی اب ایسا ہوتا ہوا نظر آ رہا ہے۔یاد رہے کہ گذشتہ روز احتساب عدالت کے جج ارشد ملک نے اپنا بیان حلفی اسلام آباد ہائیکورٹ میں جمع کروایا تھا جس کے بعد گذشتہ روز احتساب عدالت کے جج ارشد کو عہدے سے ہٹانے کا فیصلہ کیا گیا تھا۔ ترجمان اسلام آباد ہائیکورٹ کی جانب سے جاری بیان میں کہا گیا کہ احتساب عدالت کت جج ارشد ملک کو عہدے سے ہٹا دیا گیا ہے۔ جج ارشد ملک کی خدمات واپس کرنے کے لیے اسلام آباد ہائیکورٹ نے وزارت قانون کو خط لکھ دیا ہے۔قائم مقام چیف جسٹس نے خط میں کہا ہے کہ وزرات قانون جج ارشد ملک کی خدمات واپس لے۔ جبکہ دوسری جانب سپریم کورٹ آف پاکستان نے احتساب عدالت کے جج ارشد ملک کا ویڈیو اسکینڈل سماعت کے لیے بھی مقرر کر لیا تھا ۔ چیف جسٹس آف پاکستان جسٹس آصف سعید کھوسہ کی سربراہی 3 رکنی بنچ 16 جولائی کو اس کیس کی سماعت کرے گا۔

تازہ ترین خبریں