01:15 pm
9ویں جماعت کی نصاب کی کتاب میں ’’ ختم نبوت‘‘ کی عبارت تبدیل، اب کیا لکھ دیا گیا ہے ،

9ویں جماعت کی نصاب کی کتاب میں ’’ ختم نبوت‘‘ کی عبارت تبدیل، اب کیا لکھ دیا گیا ہے ،

01:15 pm

اسلام آباد (مانیٹرنگ ڈیسک)نویں جماعت کی مطالعہ پاکستان کی کتاب میں ختم نبوت کی عبارت میں تبدیلی کر دی گئی۔نجی پبلشر نے محکمہ تعلیم کے مسودے کے برعکس عبارت تبدیل کر دی۔جس کے بعد ہزاروں کتابیں چھپ کر تقسیم بھی ہو گئیں لیکن کسی کو ہوش تک نہ آیا،اسی حوالے سے وزیر تعلیم مراد راس کا کہنا ہے کہ یہ کتابیں 2016ء میں چھاپی گئی تھیں تاہم معاملہ اب نوٹس میں آیا ہے۔ مرادراس نے مزید کہا کہ اس طرح کی چیز ن کسی صورت برداشت نہیں کی
جائے گی۔جب پتہ چلا تو فوری ایکشن لیا اور اب قانون کے مطابق کاروائی کی جائے گی۔ایک میڈیا رپورٹ کے مطابق ترجمان پنجاب ٹیکسٹ بک بورڈ نے کہاہے کہ پنجاب ٹیکسٹ بک بورڈ کی شائع کردہ 9ویں جماعت کی مطالعہپاکستان کی کتاب میں ختمِ نبوت سے متعلق کسی قسم کی تبدیلی یا تحریف نہیں کی گئی ہے۔ یہاں جاری ایک بیان میں ترجمان نے واضح کیا کہ زیرِ بحث کتاب ایک پرائیویٹ پبلشر کی شائع کردہ ہے جو کہ منظور شدہ مسودے کے مطابق نہیں ہے۔ پنجاب ٹیکسٹ بک بورڈ کے ریکارڈ کے مطابق منظور شدہ مسودے کے صفحہ نمبر 5 پر ختمِ نبوت سے متعلق عبارت موجود ہے۔ترجمان نے کہا کہ اخباری خبر کے ذریعے یہ باتپنجاب ٹیکسٹ بک بورڈ کے نوٹس میں آئی ہے کہ کتاب کا تحریف شدہ ایڈیشن مارکیٹ میں کچھ جگہ دستیاب ہے۔ اس حوالے سے پنجاب ٹیکسٹ بک بورڈ نے چھاپہ مار ٹیمیں تشکیل دی ہیں جو مارکیٹ اور گوداموں سے اس کتاب کا تمام اسٹاک مکمل طور پرضبط کر رہی ہیںاوراب تک30 ہزار کتابیں قبضے میں لی جا چکی ہیں۔ ترجمان نے کہا کہ انجمن تاجران اُردو بازار لاہور کے صدر نے اِس بات کی یقین دہانی کرائی ہے کہ تمام کتب پنجاب ٹیکسٹ بک بورڈ کے حوالے کر دی جائیں گی۔ اس کے ساتھ ساتھ پبلشر کے خلاف تھانہ انار کلی لاہور میں ایف آئی آر بھی درج کروائی جا رہی ہے۔ ترجمان نے مزید کہا کہ مورخہ 09 جولائی 2019 کو جاری ہونے والے لیٹر نمبر M-48-56/PSMD/2019 کے ذریعے مذکورہ کتاب پر پابندی عائد کر دی گئی ہے۔

تازہ ترین خبریں