02:26 pm
مریم نواز فون کال کرتی رہیں مگر کسی نے فون تک اٹھانا گوارا نہ کیا ، کئی رہنما ئوں کی جانب سے مریم نواز کو بڑادھچکا

مریم نواز فون کال کرتی رہیں مگر کسی نے فون تک اٹھانا گوارا نہ کیا ، کئی رہنما ئوں کی جانب سے مریم نواز کو بڑادھچکا

02:26 pm

اسلا م آباد (مانیٹرنگ ڈیسک) مسلم لیگ ن کی نائب صدر مریم نواز نے ملک بھر میں ریلیاں نکالنے کا فیصلہ کیا تھا۔احتجاجی ریلی کے حوالے سے مریم نواز کو ایک اور مشکل کا سامنا کرنا پڑ گیا ہے۔میڈیا رپورٹس میں بتایا گیا ہے کہ ریلی انتظامات کی کمیٹی میں شامل ہونے کے لیے مقامی رہنماؤں نے معذرت کر لی۔انتظامات کے سلسلے میں کئی رہنماؤں نے مریم نواز کی فون کال نہ سنی۔ لیگی رہنماؤں کے انکار پر مریم نواز نے راناثناءاللہ کی اہلیہ کو کمیٹی کا سربراہ بنا دیا۔خیال رہے مریم نواز نے اپنے والد کی رہائی کے لیے بھرپور احتجاجی تحریک چلانے کا فیصلہ کیا تھا۔
اسی سلسلے میں مریم نواز نے ملک بھر میں ریلیاں نکالنے کا فیصلہ کیا تھا۔مائیکروبلاگنگ ویب سائٹ ٹویٹر پر اپنے پیغام میں مسلم لیگ ن کی نائب صدر اور سابق وزیراعظم نواز شریف کی صاحبزادی مریم نواز کا کہنا تھا کہ ریلیوں میں نواز شریف کی رہائی اور رول اف لاء کا معاملہ اُٹھاؤں گی، آزادی اظہار، عوامی نمائندوں کو سزا دلوانے کے ہتھکنڈوں کے خلاف آواز بلند کروں گی۔ انہوں نے کہا کہ عوامی مینڈنٹ کی چوری اور سلیکٹڈ کو مسلط کرنے پر بھی احتجاج ہوگا۔ مریم نواز نے کہا کہ شیر آئے گا اور ضرور آئے گا انشاءاللہ۔ آ رہا ہے! لوگو انصاف کے لیے آواز اٹھاؤ۔

تازہ ترین خبریں