03:02 pm
بی اے/بی ایس سی پروگرام کے خاتمے کیلئے ایچ ای سی کا حتمی نوٹس

بی اے/بی ایس سی پروگرام کے خاتمے کیلئے ایچ ای سی کا حتمی نوٹس

03:02 pm

اسلام آباد(ویب ڈیسک )ہائیرایجوکیشن کمیشن نے ملک کی تمام سرکاری اورنجی جامعات اوران سے منسلک کالجز کوآئندہ تعلیمی سال سے 2سالہ گریجویٹ پروگرام (بی اے /بی ایس سی )ختم اورایسوسی ایٹ ڈگری پروگرام شروع کرنے کے لیے حتمی نوٹس جاری کردیااس کے علاوہ تعلیمی اداروں کویہ بھی ہدایت کی گئی ہے کہ وہ موجودہ پروگرام کے خاتمے کے بعدسال 2020میں ایم اے /ایم ایس سی میں داخلے نہیں لے
سکیں گے۔بی ایس سی پروگرام پرعمل درآمدنہ کرنےوالے ڈگری کالجز کواپناموجودہ سیٹ اپ تبدیل کرکے نیاایسوسی ایٹ ڈگری (اے ڈی )پروگرام شروع کرناپڑے گاجس کے خدوخال ابھی واضح نہیں۔ان کالجز کے پاس مجوزہ پروگرام کے لیے مطلوبہ صورتحال اور عملہ دستیاب نہیں جس سے اسٹیک ہولڈرز کے مابین ہزاروں طالب علموں کے مستقبل کے حوالے سے خدشات پائے جاتے ہیں۔ایچ ای سی کے حکم نامے کے مطابق بی اے اور بی ایس سی پروگرامز میں 31 دسمبر 2018 سے قبل داخلہ لینے والے طلبہ کو 31 دسمبر 2020 تک اپنی ڈگری مکمل کرنے کی اجازت ہوگی۔تاہم جو طالبعلم اس میں ناکام رہے انہیں ڈگری دینے والے کالجز اور جامعات کی شرائط پر پوا اترنے کے بعد ایسو سی ایٹ ڈگری تفویض کی جائے گی۔چنانچہ جو طالبعلم ایسوسی ایٹ ڈگری مکمل کریں گے وہ 4 سیمسٹرز کے برابر ہوگی تاہم وہ 4 مزید سیمسٹرز مکمل کر کے بی ایس کی ڈگری حاصل کرسکیں گے۔

تازہ ترین خبریں