06:04 am
کلبھوشن یادیو کیس پر قانون کے مطابق آگے بڑھیں گے: ترجمان دفتر خارجہ

کلبھوشن یادیو کیس پر قانون کے مطابق آگے بڑھیں گے: ترجمان دفتر خارجہ

06:04 am

اسلام آباد(نیوز ڈیسک ) ترجمان دفتر خارجہ کا کہنا ہے کہ عالمی عدالت انصاف نے کلبھوشن یادیو کیس کا فیصلہ سنایا جس میں بھارتی جاسوس کلبھوشن یادیو کو بری اور رہا کرنے کی بھارتی استدعا منظور نہیں کی۔ڈاکٹر محمد فیصل کا کہنا ہے کہ پاکستان ایک ذمہ دار ملک کی طرح اپنی عالمی یقین دہانیوں سے شروع سے پیچھے نہیں ہٹا، اسلام آباد کے پاس بہت کم وقت تھا لیکن پاکستان مقدمے میں گیا۔
ترجمان دفتر خارجہ کا مزید کہنا تھا کہ پاکستان اب اس کیس پر قانون کے مطابق آگے بڑھے گا۔ کمانڈر کلبھوشن یادیو بھارتی نیوی کا حاضر سروس آفسر ہے، کمانڈر کلبھوشن یادیو حسین مبارک پٹیل کی جعلی دستاویز پر پاکستان آیا۔ان کا مزید کہنا تھا کہ حسین مبارک پٹیل کا پاسپورٹ بھارت نے جاری کیا اور پاسپورٹ اصلی ہے، کلبھوشن یادیو پاکستان میں جاسوسی، ملک کو غیر مستحکم اور متعد دہشتگردانہ کاروائیوں میں ملوث ہے۔ڈاکٹر محمد فیصل کا مزید کہنا تھا کہ کمانڈر کلبھوشن کی دہشتگردانہ کاروائیوں کے نتیجے میں سینکڑوں معصوم پاکستانی لقمہ اجل بنے، انہوں نے اپنی کرتوتوں کا اعتراف جوڈیشل مجسٹریٹ کے سامنے کیا ہے، یہ بھارتی ریاستی دہشتگردی کی زندہ مثال ہے۔

تازہ ترین خبریں