04:23 pm
حکومتی وزیر نے تشویشناک بات کہہ دی

حکومتی وزیر نے تشویشناک بات کہہ دی

04:23 pm

اسلام آباد (مانیٹرنگ ڈیسک) وفاقی وزیر برائے ریلوے شیخ رشید کہتے ہیں کہ مقبوضہ کشمیر کے حالات بہت زیادہ خراب ہوتے ہوئے دکھائی دے رہے ہیں۔ مودی لداخ اور سری نگر کو نئی دلی کے ماتحت لانا چاہتا ہے لیکن کشمیری کسی بھی صورت میں یہ بات قبول نہیں کریں گے۔مودی نے ایک مسلمان کو بھی سیٹ نہیں دی اور کسی مسلمان سے ووٹ نہیں مانگا، مودی سری نگر، لداخ براہ راست دہلی کے زیرانتظام لانا چاہتا ہے۔
وزیرریلوے کا کہناتھا کہ مودی اسرائیلی طرز کا اسٹرکچرلانا چاہتا ہے ،کشمیریوں کو یہ بات کسی طور پر قبول نہیں، مودی کو سب سے بڑی تکلیف عمران خان اور ٹرمپ کے درمیان کامیاب مذاکرات سے ہوئی ،صدرٹرمپ نے بھارت کو بے نقاب کیاہے۔شیخ رشید کامزید کہنا تھا کہ بھارت کی امریکا میں زبان کچھ اور ہے اور بھارت میں کچھ اورانہوں نے کہا کہ ہمیں پوری طاقت ،جوش ، ولولے سے پاک فوج کےساتھ کھڑے ہونا ہے، نوجوان کشمیریوں پرہونےوالے مظالم کےخلاف ہرفورم پرآواز اٹھائیں۔

تازہ ترین خبریں