11:58 am
بارل میں بجلی کی  طویل بندش بند کی جائے،عوامی حلقے

بارل میں بجلی کی طویل بندش بند کی جائے،عوامی حلقے

11:58 am

بارل میں بجلی کی طویل بندش بند کی جائے،عوامی حلقے کئی کئی سالوں سے تعینات انتظامی افسران کو تبدیل کیا جانا نا گزیر ہے پلندری (نمائندہ اصاف) اندھیر نگر چوپٹ راج پلندری میں محکمہ برقیات کی من مانیاں عروج پر ہر ایک گھنٹے بعد بجلی بند بارل کی عوام سراپا احتجاج ۔اگر یہ روش برقرار رہی تو ایکسین برقیات کے دفتر کا گھرائو کریں گے ۔ علاقہ بارل کی بجلی سارا سارا دن بند رکھی جاتی ہے ۔رات کے وقت گریڈ پر مامور اہلکار بارل کی بجلی بند کر کے سو جاتا ہے اور جب صبح سات بجے اس کی آنکھ کھلتی ہے تو پھر بارل کی بجلی آن کرتا ہے ۔عوام علاقہ بارل کا کہنا ہے کہ ہم مزید یہ تماشہ برداشت نہیں کریں گے ۔یہ سدھنوتی میں تعینات محکمہ برقیات کے انتظامی افسران کی نالائقی اور نااہلی ہے انھیں خبر ہی نہیں ہوتی کہ کن علاقوں کی بجلی چل رہی ہے اور کن کی بند ہے کئی کئی سالوں سے تعینات انتظامی افسران کو تبدیل کیا جانا نا گزیر ہے عوام علاقہ بارل پنتھل کا کہنا ہے کہ اگر محکمہ برقیات کے افسران و اہلکار ان نے اپنا رویہ اور روش نہ بدلی تو ہم انشاء اللہ انھیں ان کی ذمہ داریوں کا اچھے طریقے سے احساس دلائیں گے۔ بارل

تازہ ترین خبریں