بھارتی حکومت نے جموں وکشمیر کو خصوصی حیثیت دینے والی آئین کی دفعہ 370کی منسوخی کے خلاف احتجاجی مظاہروں کوروکنے کے لیے ٹیلیویژن ، ٹیلیفون اور انٹرنیٹ کی تمام سروسز معطل کردی ہیں۔ بھارت نے دفعہ 370پیر کو ختم کردی تھی۔ اس اقدام سے پہلے قابض انتظامیہ نے علاقے میں مواصلات کا نظام منقطع اورسیاسی رہنمائوں کو گرفتارکرلیا تھا۔ سید علی گیلانی اور میرواعظ عمرفاروق سمیت پوری مزاحمتی قیادت گھروں یا جیلوں میں نظربندہے۔ کشمیر میں موجود کچھ صارفین نے انٹرنیٹ اور ٹیلی فون لائنز کی بندش سے قبل خدشات کا اظہار کیا تھا۔ایسی صورتحال میں کشمیر سے باہر بسنے والے بے شمار شہری اپنے خاندان اور بالخصوص والدین کے بارے میں تشویش اظہار کر رہے ہیں۔ایک صارف نے کہا کہ شاہد یہ میرا آخری ٹویٹ ہو اس کے بعد یہاں کیوں ہونے والا ہے کچھ پتہ نہیں۔ ایک صارف نے کہا ہے کہ مجھے آج تیسرا دن ہیں 72 گھنٹے گزر چکے ہیں۔ابھی تک میری والدہ سے بات نہیں ہو سکی۔ایک صحافی نے گذشتہ اتوار کو ٹویٹ کی تھی کہ بہت سارے صحافی اپنے دفاتر میں رات گزار رہے ہیں۔ایک صارف نے کہا کہ انٹرنیٹ کی بندش ،رہنماؤں کی نظربندی اور کیبل ٹی وی کے بند ہونے کے بارے میں بتایا تھا۔ایک اور صارف نے بھی یہی کہا کہ میں نے بھی اب تک اپنے والدین سے بات نہیں کی۔ایک اور صارف نے اپنے آخری ٹویٹ میں کہا ہے کہ چلو جی خدا حافظ، ۔میڈیا رپورٹ میں یہ بھی بتایا گیا ہے کہ کشمیری صسارفین نے نیٹ بند ہونے سے قبل یہ بھی لکھا تھا کہ اگر ہم مر بھی تو گئے یہاں نہ آنا۔کشمیری بہن بھائیوں کی طرف سے اس طرح کے پیغامات نے پاکستانیوں کو جذباتی کر دیا ہے۔پاکستان صارفین کا کہنا ہے کہ ہم اپنے کشمیری بہن بھائیوں کو دکھ محسوس کر سکتے ہیں۔انشاءاللہ ایک دن کشمیر پاکستان بنے گا۔