02:55 pm
وزیر اعظم پاکستان عمران خان نے پاک فوج کو تیار رہنے کا حکم دیدیا

وزیر اعظم پاکستان عمران خان نے پاک فوج کو تیار رہنے کا حکم دیدیا

02:55 pm

اسلام آباد (مانیٹرنگ ڈیسک) وزیراعظم نے فوج کو جنگ کیلئے تیار رہنے کا حکم جاری کر دیا، 14 اگست کو کشمیریوں کیساتھ یوم اظہار یکجہتی منانے اور کشمیر سےمتعلق معاملہ اقوام متحدہ کی سلامتی کونسل میں بھی لے جانے کا فیصلہ۔ تفصیلات کے مطابق وزیراعظم کی زیر صدارت ہونے والے قومی سلامتی کونسل کے اجلاس کے اعلامیہ جاری کر دیا گیا ہے۔ جاری کردہ اعلامیہ میں بتایا گیا ہے کہ بھارت کومنہ توڑ جواب دینے کی حکمت عملی تیار کر لی گئی ہے۔ وزیراعظم عمران خان نے فوج کو تیار رہنے کا حکم دیا ہے۔
کشمیر سےمتعلق معاملہ اقوام متحدہ کی سلامتی کونسل میں بھی لے جانے کا فیصلہ کیا گیا ہے۔ اجلاس میں کمیٹی نے بھارت کی یکطرفہ اور غیرقانونی کارروائیوں سے پیدا صورتحال کا جائزہ لیا۔ فیصلہ کیا گیا کہ بھارت کی جانب سے انسانی حقوق کی خلاف ورزیاں بے نقاب کی جائیں گی۔ اتفاق طے پائیں کہ بھارت کی بہیمانہ نسلی نظریات پر مبنی پالیسیاں عالمی سطح پر بے نقاب کی جائیں گی۔ جبکہ 15اگست کو یوم سیاہ منایا جائے گا۔ فیصلہ کیا گیا کہ پاکستان اور بھارت کے درمیان باہمی انتظامات کا ازسرنو جائزہ لیا جائے گا۔ بھارت کے ساتھ تجارتی تعلقات ختم کیے جائیں گے۔ بھارت کے ساتھ سفارتی تعلقات بھی ختم کیے جائیں گے۔ بھارت کیلیےپاکستانی فضائی حدودبند کرنے کے آپشن پر بھی غور ہے۔ واضح رہے کہ اجلاس میں وزیراعظم سمیت آرمی چیف، ڈی جی آئی ایس آئی، وفاقی وزراء اور دیگر اہم حکومتی شخصیات نے شرکت کی۔