04:42 pm
انڈیا جنگ نہیں کرے گا کیونکہ وہ جانتا ہے کہ ہمارا وزیر دفاع پرویز خٹک ہے، سلیم صافی

انڈیا جنگ نہیں کرے گا کیونکہ وہ جانتا ہے کہ ہمارا وزیر دفاع پرویز خٹک ہے، سلیم صافی

04:42 pm

اسلام آباد (مانیٹرنگ ڈیسک) ایک ایسے وقت میں جب بھارت مقبوضہ کشمیر پر اپنے غاصبانے قبضے اور پاکستان دشمن اقدامات میں تیزی سے آگے بڑھ رہا ہے۔پاکستان میں اپوزیشن رہنمائوں کے ساتھ ساتھ صحافت کے شعبے سے جڑی کچھ شخصیات جمہوری فورزم پر یکجہتی ظاہرکرنے کی بجائے اپنی ہی حکومت کو طنز اور مذاق کا نشانہ بنارہی ہیں۔ سینئر ملکی صحافی سلیم صافی ایسا کوئی بھی موقع ہاتھ سے نہیں جانے دیتے ۔
اس نازک موقع پر انھوںنے اپنے ملک کے وزیر دفاع کا مذاق اڑانا شروع کر دیا ہے۔ جیو نیوز کے پروگرام ”رپورٹ کارڈ“میں گفتگو کرتے ہوئے سلیم صافی نے کہا کہ وزیر اعظم عمران خان قومی اسمبلی میں کھڑے ہوکر انڈیا کے ساتھ کشیدگی کو اسلام اور کفر کی جنگ بنانے کی کوشش کررہے تھے ۔ انہوں نے کہا کہ اگر یہ جنگ کفر اور اسلام کی ہے تو پھر اس کے لئے امریکہ سے مدد مانگنے کیوں جارہے ہیں ؟ اگر جنگ ہوئی تو امریکہ کس کے ساتھ کھڑا ہوگا ؟سلیم صافی نے کہا کہ جنگ کوئی نہیں ہوگی کیونکہ انڈیا کو پتہ ہے کہ پاکستان کا دفاع اس وقت پرویز خٹک کے ہاتھ میں ہے اور کابینہ میں موجود وزراءشہریار آفریدی اور علی محمد خان اجلاس سے اٹھ کر بارڈر پر لڑنے جاتے ہیں جبکہ کشمیر کمیٹی کو فخر امام جیسے جوان ہاتھوں میں دیدیا گیا ہے ۔

تازہ ترین خبریں