07:32 am
عظمیٰ بخاری سمیت 8 لیگی رہنما مشکل میں پھنس گئے

عظمیٰ بخاری سمیت 8 لیگی رہنما مشکل میں پھنس گئے

07:32 am

لاہور(نیوز ڈیسک ) احتساب عدالت میں گزشتہ روز مسلم لیگ ن کے رہنماؤں کی پیشی پر کارکنوں اور پولیس میں تصادم کے معاملے پر کارروائی کا فیصلہ کر لیا گیا۔ذرائع کے مطابق اسلام پورہ پولیس نے ایف آئی آر میں عظمیٰ بخاری،
توصیف شاہ اور مہرمحمود احمد سمیت 8 نامزد اور150 نامعلوم افراد کے خلاف مقدمہ درج کرلیا ہے۔ایف آئی آر کے متن میں کہا گیا ہے کہ ملزمان نے سیکیورٹی پر مامور اہلکاروں کو تشدد سمیت سرکاری املاک کو نقصان پہنچایا اور پتھراؤ سے کانسٹیبل نثار کے سر پر گہری چوٹ آئی۔مقدمے میں توڑ پھوڑ، کارسرکار میں مداخلت سمیت نقص امن کی دفعات شامل کی گئی ہیں۔ذرائع کے مطابق لیگی رہنماؤں سمیت کارکنوں کے خلاف مقدمے کا اندراج سب انسپکٹر دلشاد کی مدعیت میں کیا گیا۔