10:15 am
مریم نواز گرفتار ہوگئیں تو کیا ہوا،اب مریم کی بیٹی اور بیٹا (ن) لیگ کے لیڈر ہیں

مریم نواز گرفتار ہوگئیں تو کیا ہوا،اب مریم کی بیٹی اور بیٹا (ن) لیگ کے لیڈر ہیں

10:15 am

لاہور (نیوز ڈیسک) پاکستان مسلم لیگ ن کا وہاڑی میں 23 اگست کو ریلی اور جلسہ ہوگا۔میڈیا رپورٹس میں بتایا گیا ہے کہ مریم نواز کی غیرموجودگی میں ریلی کی قیادت مریم نواز کی بیٹی اور بیٹا کریں گے۔مسلم لیگ ن کے رہنما جاوید لطیف کا کہنا ہے کہ نواز شریف پر کرپشن کا کوئی الزام ثابت نہیں ہوسکا ؛پرویز مشرف نے بھی بغیر کسی جرم کے انہیں 25 سال کی سزا سنائی تھی۔مریم نواز کشمیر جانے کا فیصلہ نہ کرتی اور سرگودھا کے جلسہ میں کشمیر پر سخت موقف اختیار نہ کرتی تو نے گرفتار نہ کیا جاتا۔اس سے قبل میڈیا رپورٹ میں بتایا گیا تھا
کہ پاکستان مسلم لیگ (ن) کی مرکزی نائب صدر مریم نواز 23اگست کو وہاڑی جائیں گی ۔یہ بات پارٹی کی مرکزی رہنما بیگم تہمینہ دولتانہ نے سوشل میڈیا پر اپنے بیان میں بتائی ۔ذرائع کے مطابق اس سلسلہ میں مقامی سطح پر پیشگی تیاریاں شروع کر دی گئی ہیں۔تاہم جمعرات کے روز مریم نواز کو گرفتار کر لیا گیا تھا جسکے باعث ن لیگی کی عوامی مہم خطرے میں پڑ جانے کا خدشہ ظاہر کیا گیا تھا کیونکہ ن لیگ کے پاس ریلیوں کی قیادت کے لیے کوئی متبادل رہنما موجود نہ تھا۔تاہم اب بتایا جا رہا ہے کہ مریم نواز کی غیرموجودگی میں ریلی کی قیادت مریم نواز کی بیٹی اور بیٹا کریں گے۔خیال رہے کہ سابق وزیراعظم نواز شریف کی صاحبزادی اور مسلم لیگ ن کی نائب صدر مریم نواز کو نیب نے دو روز قبل کوٹ لکھپت جیل کے باہر سے گرفتار کیا تھا۔مریم نواز پر چودھری شوگر ملز کیس میں منی لانڈرنگ کے الزامات عائد ہیں جس کی تحقیقات کے لیے نیب نے مریم نواز کو حراست میں لیا ۔ مریم نواز کو گذشتہ روز احتساب عدالت کے سامنے پیش کیا گیا جہاں ان کو 21 اگست تک جسمانی ریمانڈ پر نیب کے حوالے کر دیا۔

تازہ ترین خبریں