آپ پتہ نہیں کس کے کہنے پر اپنے وزیراعظم کے فیصلوں پر تنقید کرتے رہتے ہیں میں کوئی بھی کام اپنے وزیراعظم سے پوچھے بغیر نہیں کرتا، میرے وزیر ریلوے ہوتے ہوئے بھارت کو کوئی ٹرین نہیں چلائی جائے گی، شیخ رشید کے فواد چوہدری کو برجستہ جوابات پر عمران خان بھی مسکرائے بغیر نہ رہ سکے، تمام وزار نے شیخ رشید کے سمجھوتہ ایکسپریس بند کرنے کے اقدام پر تعریفی کلمات کہے۔تفصیلات کے مطابق کابینہ اجلاس کی اندرونی کہانی سامنے آ گئی،ذرائع کے مطابق وفاقی کابینہ اجلاس میں وفاقی وزراء شیخ رشید اور فواد چوہدری میں اختلاف سامنے آ گئے ۔ کابینہ اجلاس میں وفاقی وزیر ریلوے شیخ رشید اور فواد چوہدری کے درمیان نوک جھونک ہوئی۔ذرائع شیخ رشید کے مطابق آپ سے اپنی وزارت تو چلتی نہیں، ہر کسی پر تنقید کرتے ہیں،آپ کا کام ہی ہر دوسری وزارت میں ٹانگ اڑانا ہے،شیخ رشید احمد نے کابینہ کے روبرو فواد چوہدری کو کھری کھری سنادیں،میں کوئی بھی کام اپنے وزیراعظم سے پوچھے بغیر نہیں کرتا۔شیخ رشیدنے کہا کہ فواد چوہدری آپ پتہ نہیں کس کے کہنے پر اپنے وزیراعظم کے فیصلوں پر تنقید کرتے رہتے ہیں۔شیخ رشید کے سمجھوتہ ایکسپریس بند کرنے کے اقدام پر تمام وزار نے تعریفی کلمات کہے۔ زرائع کے مطابق شیخ رشید نے کہا کہ میرے وزیر ریلوے ہوتے ہوئے بھارت کو کوئی ٹرین نہیں چلائی جائے گی۔ ذرائع کے مطابق شیخ رشید کے فواد چوہدری کو برجستہ جوابات پر عمران خان بھی مسکرائے بغیر نہ رہ سکے۔ذرائع کے مطابق فواد چوہدری نے رائے دی کہ سمجھوتہ ایکسپریس کے زریعے دونوں اطراف کے منقسم خاندان مل بیٹھتے ہیں۔ شیخ رشید نے کہا کہ اپ اپنی وزارت دیکھیں، مجھے پتہ ہے بہتر کیا ہے۔وزیر ریلوے شیخ رشید نے جواب دیا کہ میری وزارت میں مداخلت نہ کریں نہ اس کی اجازت دوں گا،سمجھوتہ ایکسپریس اور دیگر ٹرینوں سے قابل اعتراض اشیا ہمارے ملک میں آتی ہیں،سمجھوتہ آور تھر ایکسپریس کا جاری رہنا کشمیریوں کے خون سے غداری کے مترادف ہے۔وفاقی کابینہ کے دیگر ارکان کی جانب سے شیخ رشید کے موقف کی تائید کی گئی۔ ذرائع کے مطابق وزیراعظم بھی شیخ رشید کے موقف کے حامی نکلے، بندش کی منظوری دے دی۔