06:44 am
کشمیر بنے گا پاکستان! تاریخی قلعہ پر کشمیر کا پرچم لہرا دیا گیا

کشمیر بنے گا پاکستان! تاریخی قلعہ پر کشمیر کا پرچم لہرا دیا گیا

06:44 am

اسلام آباد (مانیٹرنگ ڈیسک) کشمیر بنے گا پاکستان! پشاور کے تاریخی قلعہ بالاحصار پر کشمیر کا پرچم لہرا دیا گیا، صوبائی حکومت نے 14 اگست کے روز تاریخی عمارت پر کشمیر کا پرچم لہرایا، صوبائی وزیر خزانہ تیمور خان جھگڑا نے ٹوئٹر پر پیغام جاری کیا۔ تفصیلات کے مطابق گزشتہ روز 14 اگست کو پاکستان کا 73 واں یوم آزادی بھرپور جوش و خروش کے ساتھ منایا گیا۔ جبکہ آج پاکستان اور دنیا بھر میں 15 اگست کو بھارت کا یوم آزادی بطور یوم سیاہ بھی بھرپور انداز میں منایا گیا ہے۔ جہاں یوم سیاہ کے سلسلے میں مختلف تقاریب اور احتجاجی مظاہروں کا انعقاد کیا گیا، وہیں خیبرپختوںخواہ کی صوبائی حکومت نے بھی اس حوالے سے خصوصی قدم اٹھایا۔ تحریک انصاف کی صوبائی حکومت نے صوبائی دارالحکومت پشاور میں واقع تاریخی قلعہ بالاحصار پر آزاد کشمیر کا پرچم آویزاں کر دیا۔
 


 اس حوالے سے صوبائی وزیر خزانہ تیمور خان جھگڑا کی جانب سے خصوصی ٹوئٹ کیا گیا۔ واضح رہے کہ مقبوضہ کشمیر میں 5 اگست کو آرٹیکل 370 کے خاتمے کے بعد مودی سرکاری نے سخت اور ظالمانہ کرفیو نافذ کر رکھا ہے۔ اس دوران کشمیر پوری دنیا سے منقطع ہے، جبکہ بھارتی فوج خاموشی سے اپنی ظالمانہ کاروائیاں جاری رکھے ہوئے ہے۔ اسی تناظر میں پاکستان نے بھارت کیخلاف بھرپور مہم کا آغاز کیا ہے، اور 15 اگست کو بھارت کے یوم آزادی کو یوم سیاہ منانے کا اعلان کیا۔ حکومت پاکستان کے اس اعلان کو بھرپور پذیرائی ملی اور دنیا بھر میں مقیم پاکستانیوں اور کشمیریوں کے علاوہ انسانی حقوق کی تنظیموں نے بھی 15 اگست کو یوم سیاہ کے طور پر منایا ہے۔