10:21 am
بھارت کا سیاہ  چہرہ دنیا کے سامنے آچکا ہے ،ریلی مقررین

بھارت کا سیاہ چہرہ دنیا کے سامنے آچکا ہے ،ریلی مقررین

10:21 am

بھارت کا سیاہ چہرہ دنیا کے سامنے آچکا ہے ،ریلی مقررین بھارت کے خلاف ریلی میں مقررین کامقبول بٹ شہید چو ک پہنچ کر خطاب ڈڈیال ( نمائندہ اوصاف) بھارت کا یوم آزادی ڈڈیال میں یوم سیاہ کے طور پر منایا گیا۔اسسٹنٹ کمشنر ڈڈیال انجمن تاجراں ڈڈیال سول سو سائٹی ،وکلا سیاسی شخصیات نے بڑی تعداد میں ریلی میں شرکت کی ۔ریلی آڑاں جٹاں سے شروع ہوئی اور بھارت کے خلاف نعرے بازی کرتے ہوئے شرکا مقبول بٹ شہید چو ک پہنچے جہاں مقررین نے خطاب کیا۔مقررین کا کہنا تھا بھارت کا سیاہ گرد و غبار سے ہٹا چہرہ دنیا کے سامنے آچکا ہے ہم اج بھارت کے یوم آزادی کے دن کو یوم سیاہ کے طور پر منا رہے ہیں یہ پوری دنیا میں جو پیغام جارہا ہے بھارت کے گندھے عزائم سامنے آرہے ہیں بھارت جمعوریت کے نام پر دھبہ ہے کشمیر کی آزادی تک جدوجہد جاری رکھیں گے اور ظلم و بربریت کے باوجود ہم اپنے مقصد سے پیچھے نہیں ہٹیں گے ۔کشمیر ایک الگ ریاست ہے جس پر بھارت نے غاصبانہ قبضہ کر رکھا ہےجو ہمیں کسی صورت بھی قبول نہیں ہے اقوام متحدہ اپنی قرار دادوں پر عمل کروائے اور بھارت کو مجبور کیا جائے تاکہ کشمیر میں بھارتی مظالم بند ہو سکیں۔ریلی مقبول بٹ شہید چوک پہنچ کر اختتام پذیر ہوئی پولیس تھانہ ڈڈیال ایس ایچ او حاجی سکندر اعظم بھی ریلی میں موجود رہے تاکہ کوئی نا خوشگوار واقع پیش نہ آسکے۔