08:51 am
بھارت کی منتیں ترلے مسترد ، پاکستان نے ہندوستان کو ہزاروں وولٹ کا جھٹکا دیدیا

بھارت کی منتیں ترلے مسترد ، پاکستان نے ہندوستان کو ہزاروں وولٹ کا جھٹکا دیدیا

08:51 am

اسلام آباد (مانیٹرنگ ڈیسک)بھارت کی منتیں ترلے مسترد ، پاکستان نے ہندوستان کو ہزاروں وولٹ کا جھٹکا دیدیا ۔۔۔ پاکستان نے سمجھوتہ اور تھر ایکسپریس آپریشن بحال کرنے کی ایک اور بھارتی اپیل مسترد کر دی ہے۔ پاکستان کی وزارتِ ریلوے نے وزارتِ خارجہ کے فیصلے کی توثیق کر دی ہے کہ بھارت جانے والی سمجھوتہ اور تھر ایکسپریس کا آپریشن تاحکم ثانی معطل رہے گا۔
وزارت ریلوے نے وزارتِ خارجہ کی منظوری کے بعد بھارت جانے والی دونوں ٹرینوں کو تاحال نہ چلانے کا فیصلہ برقرار رکھا ہے۔خیال رہے کہ اس سے قبل بھی وفاقی وزیر ریلوے شیخ رشید احمد نے شیخ رشید نے بھارت کی درخواست مسترد کردی تھی۔ انہوں نے کہا تھا کہ بھارت کی جانب سے سمجھوتہ اور تھر ایکسپریس بحال کرنے کا مطالبہ مسترد کرتا ہوں۔ وفاقی وزیر ریلوےنے پریس کانفرنس کرتے ہوئے کہا تھا کہ کشمیر کی تحریک آزادی ایک بار پھر آہستہ آہستہ اٹھے گی، سرینگر میں بھارت کا سیاسی و معاشی جنازہ نکل جائے گا۔شیخ رشید احمد نے کہا کہ سوچ سمجھ کر تھر اور سمجھوتہ ایکسپریس بند کی ہے اور بھارتی وزارت خارجہ کی نظرثانی کی درخواست مسترد کرتا ہوں۔ انہوں نے کہا تھا کہ جب تک وہ وزیر ہیں سمجھوتہ اور تھر ایکسپریس نہیں چلے گی، بھارت سے مذاکرات کے سارے راستے بند ہو چکے ہیں۔ اب بھارت نے ایک بار پھر سمجھوتہ اور تھر ایکسپریس آپریشن بحال کرنے کی درخواست کی تھی جو کہ پاکستان نے مسترد کر دی ہے۔ وزارتِ ریلوے نے وزارتِ خارجہ کے فیصلے کی توثیق کر دی ہے کہ بھارت جانے والی سمجھوتہ اور تھر ایکسپریس کا آپریشن تاحکم ثانی معطل رہے گا۔ خیال رہے کہ پاکستان نے بھارت کے ساتھ تجارتی تعلقات بھی ختم کر دیے ہیں جبکہ بھارتی سفیر کو بھی ملک سے نکال دیا گیا ہے اور پاکستان نے بھارت سے اپنا سفیر بھی واپس بلا لیا ہے۔۔

تازہ ترین خبریں