10:28 am
عمران خان کی کوششیں رنگ لے آئیں ،ایک اور بڑے ملک نے متعدد پاکستانی قیدیوں کو رہا کرنے کا اعلان کردیا

عمران خان کی کوششیں رنگ لے آئیں ،ایک اور بڑے ملک نے متعدد پاکستانی قیدیوں کو رہا کرنے کا اعلان کردیا

10:28 am

اسلام آباد (نیوز ڈیسک) پاکستان کی حکومت بیرون ملک قید پاکستانیوں کی رہائی کے حوالے سے بہت سنجیدہ نظر آتی ہے۔ اسی سلسلے میں پاکستان وزارت خارجہ کی کامیاب کوششوں کے نتیجے میں تھائی لینڈ کے حکام نے مختلف مقدمات میں جیلوں میں بند 17 پاکستانی قیدیوں کو رہا کر دیا ہے۔ یہ پاکستانی قیدی تھائی لینڈ کی کلونگ پرین جیل میں بند تھے۔جنہیں رہائی کے بعد آج پاکستانی سفارت خانے کے حکام کے حوالے کر دیا گیا ہے۔ میڈیا رپورٹس کے مطابق ان قیدیوں کو آج رات تھائی لینڈ سے اسلام آباد ایئر پورٹ لایا جائے گا۔
ذرائع کے مطابق پاکستان حکومت نے پاکستانی قیدیوں کی حوالگی کے لیے ماضی میں معطل کیا گیا دو طرفہ سمجھوتہ بحال کر دیا ہے۔ جس کے بعد تھائی لینڈ کی کلونگ پرین جیل میں قید 17 پاکستانیوں کو رہا کرنے کے بعد سفارت خانے کے حوالے کر دیا۔قیدیوں کی حوالگی کی اس تقریب میں پاکستانی سفارتخانہ کے حکام ،تھائی لینڈ کے محکمہ امیگریشن کے افسران بھی شریک تھے۔ ان قیدیوں کو لینے کے لیے ایف آئی اے کا 3 رُکنی عملہ بھی بینکاک ایئر پورٹ پر موجود ہے۔ ان قیدیوں کو آج رات نجی ایئرلائن سے پاکستانی وقت کے مطابق 10بجے اسلام آباد ایئرپورٹ لایا جائے گا۔واضح رہے کہ پاکستان اور تھائی لینڈ کے درمیان قیدیوں کی حوالگی کا سمجھوتہ 2015 سے معطل تھا، جسے اب حال ہی میں بحال کر دیا گیا ہے۔ قارئین کو بتاتے چلیں کہ رواں سال جُون میں وزیر اعظم عمران خان نے وزارت خارجہ کو دُنیا کے مختلف ممالک کی جیلوں میں قید پاکستانیوں کی رہائی کو ممکن بنانے کی خاطر ان کی تفصیلات مرتب کر کے پیش کرنے کی ذمہ داری سونپی تھی۔

تازہ ترین خبریں