01:00 pm
جنگ کسی مسئلے کا حل نہیں ،خورشیدشاہ

جنگ کسی مسئلے کا حل نہیں ،خورشیدشاہ

01:00 pm

سکھر(آن لائن)پیپلزپارٹی کے سینئر راہنما خورشید شاہ نے کہا ہے کہ سلامتی کونسل کا فرض ہے کہ پاکستان کے خدشات کو دیکھے کیونکہ جنگ کسی مسئلے کا حل نہیں ہے ۔ جنگ سے تو قومیں تباہ ہو جاتی ہیں ۔پاکستان نیوکلیئر پاور ہے بھارت کی دھمکیوں سے ڈرنے والے نہیں ۔ان خیالات کا اظہار خورشید شاہ نے ہفتہ کے روز سکھر میں صحافیوں سے گفتگو کے دوران کیا ۔انہوں نے کہا کہ آج بنگلہ دیش کی معیشت بھی پاکستان سے بہتر ہے
اور ہمیں اب اپنی معیشت کو بہتر کرنے کے لئے فوری اقدامات کرنے ہوں گے ۔ بھارت کو معلوم ہے کہ پاکستان میں سیاسی جنگ چل رہی ہے ۔ عمران خان بھی ابھی تک کنٹینر پر بیٹھے ہیں لیکن ہم نے جمہوریت کی خاطر اسمبلی جانے کا فیصلہ کیا ۔ ایک سوال کے جواب میں خورشید شاہ نے کہا کہ سلامتی کونسل کا فرض ہے کہ پاکستان کے خدشات کو دیکھے کیونکہ جنگ مسائل کا حل نہیں ہے بلکہ جنگ سے قومیں نیست و نابود ہو جاتی ہیں ۔ پاکستان ہماری پہچان اور ہماری چھاؤں ہے ہم اپنی جنگ لڑیں گے ۔ خورشید شاہ نے کہا کہ پاکستان نیوکلیئر پاور ہے بھارت کی دھمکی سے ڈرنے والے نہیں ہیں لیکن بھارت نے اگر کوئی شوق پورا کرنا ہے تو کر لے ہم بھی تیار ہیں