04:05 pm
کشمیر زمین کا نہیں، ہندؤوں کو مسلمانوں پر فتح دلوانے کا مسئلہ ہے،مودی کے کشمیر پر اچانک فیصلے کے پیچھے کیا مقصد ہے،

کشمیر زمین کا نہیں، ہندؤوں کو مسلمانوں پر فتح دلوانے کا مسئلہ ہے،مودی کے کشمیر پر اچانک فیصلے کے پیچھے کیا مقصد ہے،

04:05 pm

نئی دہلی (مانیٹرنگ ڈیسک)بھارتی مصنف نے مودی سرکار کے مقبوضہ کشمیر پر اچانک کیے جانے والے فیصلے کی وجہ بتا دی۔ بھارتی مصنف کا کہنا تھا کہ کشمیر کا مسئلہ زمین کا نہیں بلکہ ہندؤوں کو مسلمانوں پر فتح دلوانے کا ہے۔ وزیراعظم نریندر مودی نے اس مسلم اکثریتی ریاست کو ہندؤوں کی طاقت کے اظہار کے لیے استعمال کیا ۔ بھارتی مصنف کپل کومی ریڈی نے اپنے مضمون میں کہا کہ مودی کا کشمیر پر اچانک فیصلہ ایک پُرانے ارادے کی تکمیل ہے ۔اس پُرانے ارادے کے تحت ایک ہندو ریاست میں مسلمانوں کو سرنڈر کرنا ہو گا
اور یہ بھارت کے تمام علاقوں کے لیے پیغام ہے کہ ہندو ریاست کے قیام کے لیے کسی کو بھی استثنیٰ حاصل نہیں ہے ، جو ریاست بھی اس راہ میں حائل ہو گی اسے طاقت کے زور پر دہلی کے کنٹرول (یونین ٹیرٹری) میں لایا جائے گا۔جو لوگ یہ سمجھتے ہیں کہ بھارت کے جمہوری اداروں کے ہوتے ہوئے ایسا نہیں ہو سکتا انہوں نے کبھی نہیں سوچا تھا کہ ایک دن مودی ملک کو لیڈ کرے گا ۔انہوں نے کہا کہ بھارتی وزیراعظم نریندر مودی کی سیاسی و ذہنی تربیت آر ایس ایس کے کیمپ میں ہوئی جس کے بعد اس نے ہندو قوم پرستی کے پرچار کے لیے پورے ملک کا سفر کیا۔ گجرات کی وزارت اعلیٰ پر فائز ہو کر مودی نے مسلم کش فسادات کروائے تھے ۔ مودی اپنے ایجنڈے کو پایہ تکمیل تک پہنچانے کے لیے ہندو اکثریت کے مذہبی جذبات کو بھڑکا رہا ہے اور اس کے لیے ریاستی اختیارات کا بہیمانہ استعمال بھی کر رہا ہے ۔میڈیا رپورٹ کے مطابق مصنف نے مزید کہا کہ الیکشن 2014ء کے بعد سے مسلمانوں کے خلاف جارحانہ رویہ اختیار کیا جا رہا ہے ، پُر تشدد ہجوم کے ہاتھوں مسلمانوں کا قتل، مسلم نوجوانوں پر ہندو لڑکیوں کو ورغلانے اور ''لو جہاد'' کے الزامات اور سوشل میڈیا پر مسلمانوں کے خلاف جھوٹی خبریں اور ویڈیوز اس بات کا کُھلا ثبوت ہیں۔ کشمیر پر اس اقدام سے بھارتی وزیراعظم نریندر مودی نے خود کو ''نئے بھارت'' کا معمار قرار دینے کی کوشش کی جبکہ اس کے ایجنڈے میں بابری مسجد کی جگہ مندر کی تعمیر بھی شامل ہے ۔اس وقت نظر آنے والی خاموشی میں غصے اور نفرت کا لاوا پک رہا ہے جو کسی دن پھٹ پڑے گا ۔ بھارتی مصنف نے مزید کہا کہ کشمیر کو بھارت کا حصہ بنانے کا فیصلہ خود بھارت کے اتحاد کے خاتمے کی شروعات ثابت ہو گا۔

تازہ ترین خبریں