03:24 pm
یکم محرم الحرام کا چاند 31اگست کو نظر آنےکے امکانات

یکم محرم الحرام کا چاند 31اگست کو نظر آنےکے امکانات

03:24 pm

کراچی (مانیٹرنگ ڈیسک) محکمہ موسمیات نے نئے اسلامی سال کے حوالے سے اہم پیشگوئی کر ڈالی ہے۔ یکم محرم الحرام کا چاند 31اگست کو نظر آنےکے امکانات ہیں۔ تفصیلات کے مطابق محکمہ موسمیات نےمحرم کےچاندکی پیش گوئی کرتے ہوئے کہا ہے کہ محرم کاچاند30اگست کو 3بجکر37منٹ پرپیداہوناشروع ہو گا۔محکمہ موسمیات کے مطابق اکتیس اگست کو چاند نظر آنے کے قوی امکانات ہیں
کیونکہ غروب آفتاب کے وقت چاند کی عمر 27 گھنٹے 37 منٹ ہوگی اور اسے 61 منٹ تک دیکھا جاسکے گا۔ محکمہ موسمیات کےمطابق یکم محرم 1441 ہجری 1 ستمبر 2019 کو ہوگی۔نیا اسلامی سال اور ماہ شروع ہوتے ہی ملک بھر میں شہدا کربلا کی یاد میں مجالس اور جلوسوں کا اہتمام کیا جائے گا، وفاقی و صوبائی حکومتوں نے امن و امان کی صورتحال کو قابو میں رکھنے کے لیے سیکیورٹی کے خصوصی اقدامات بھی کیے۔سندھ حکومت نے امن و امان کی صورتحال کو قابو میں رکھنے کے لیے شہر میں دس روز کے لیے دفع ایک سوچوالیس نافذ کرنے کا نوٹی فکیشن جاری کردیا، جبکہ نو اور دس محرم کو ڈبل سواری پر پابندی بھی عائد ہوگی