04:42 pm
دو طرفہ تعلقات کو جذباتیت سے ہٹ کر دیکھنا چاہیے، شاہ محمود قریشی

دو طرفہ تعلقات کو جذباتیت سے ہٹ کر دیکھنا چاہیے، شاہ محمود قریشی

04:42 pm

اسلام آباد (مانیٹرنگ ڈیسک) وزیر خارجہ شاہ محمود قریشی نے متحدہ عرب امارات کی جانب سے بھارتی وزیر اعظم کو سول ایوارڈ دیے جانے کے معاملے کو دو نوں ممالک کے ذاتی تعلقات کا نتیجہ قرار دے دیا ۔ ملتان میں میڈیا کے نمائندوں سے گفتگو کرتے ہوئے شاہ محمود قریشی کا کہنا تھا کہ متحدہ عرب امارات کے بھارت سے الگ جبکہ پاکستان سے الگ تعلقات ہیں۔ اگر وہ بھارتی وزیر اعظم کو اعلیٰ ترین سول ایوارڈ دیتا ہے
تو ہمیں اس سے کوئی سروکار نہیں ہونا چاہیے ۔ دونوں ملکوں کے درمیان تجارتی تعلقات اور اربوں ڈالرز کے معاشی معاہدے قائم ہیں۔ متحدہ عرب امارات مسئلہ کشمیر پر پاکستان کا ہمدرد اور کشمیریوں کے مطالبات کا حمایتی ہے۔ انہوں نے کہا کہ اماراتی وزیر خارجہ سے ملاقات کا امکان ہے جس میں تمام حقائق اُن کے سامنے رکھیں گے، جب حقائق اُن کے سامنے آئیں گے تو یقین ہے کہ متحدہ عرب امارات پاکستان کو مایوس نہیں کرے گا۔شاہ محمود قریشی کا کہنا ہے کہ بین الاقوامی تعلقات کا معاملہ جذبات سے بالاتر ہو کر دیکھنا ہوگا، ہر ملک کو دو طرفہ تعلق رکھنے کا حق ہے، حال ہی میں امارات نے پاکستان کی مدد کی ہے، تو ہمیں یہ نہیں بھولنا چاہیے۔وزیرخارجہ کے مطابق متحدہ عرب امارات اور ہندوستان میں سرمایہ کاری کے حوالے سے پرانے تعلقات ہیں اور وہاں ہندوستان کے لوگ بھی آباد ہیں۔

تازہ ترین خبریں