06:42 am
بہاولپور میں دریا بپھر گیا ، بند ٹوٹنے سے سیلابی پانی آبادی میں داخل

بہاولپور میں دریا بپھر گیا ، بند ٹوٹنے سے سیلابی پانی آبادی میں داخل

06:42 am

بہاولپور(احمد ارسلان سے)بھارت کی جانب سے پانی چھوڑے جانے کے بعد پاکستان کے مختلف علاقوں میں دریائوں میںسیلابی صورتحال انتہائی تشویشناک ہو چکی ہے اور عوام الناس نقل مکانی کر نے پر مجبور ہیں ۔ اب تازہ ترین اطلاعات کے مطابق بہاولپور کے قریب دریائے ستلج بپھر گیاہے اور ڈیرہ بکھا کے قریب حفاظتی بند ٹوٹنے سے فصلیں زیرآب آ گئی ہیں۔ سیلابی پانی آباد ی میں داخل ہو گیا، ستلج میں ہیڈ اسلام کے مقام پر کٹاؤ سے دھان اور کپاس کی فصلیں تباہ ہوگئیں
۔ دریا بپھرنے لگے، کئی مقامات پر سیلابی صورتحال کے بعد لوگوں کی نقل مکانی جاری ہے، بہاولپور کے قریب دریائے ستلج میں بھی پانی کی سطح میں مزید اضافہ ہو گیا۔ ڈیرہ بکھا کے علاقے میں قائم حفاظتی بند ٹوٹنے کے بعد لوگوں کی نقل مکانی جاری ہے تاہم انتظامیہ کی جانب سے قائم کیے گئے ریلیف کیمپ میں کوئی بھی موجود نہیں، لوگ اپنی مدد آپ کے تحت انتظامات کر رہے ہیں۔ ستلج میں ہیڈ اسلام کے مقام پر بھی پانی کی سطح میں اضافہ ہو گیا، کٹاؤ سے دھان اور کپاس کی فصلیں تباہ، مزید کئی علاقے بھی زیر آب آنے کا خدشہ بڑھ گیا، گیمبر کے علاقے پوران، اٹاری، نامہ جندیکا میں پولیس نے متاثرین کو محفوظ مقامات پر منتقل کیا۔ دریائے ستلج بپھرا پانی بورے والا کے متعدد دیہات میں بھی داخل ہو گیا، ساہوکا، فاروق آباد اور جھیڈو میں سیلابی پانی سے فصلیں زیر آب آئیں۔ متاثرین کی جانب سے نقل مکانی کا سلسلہ جاری ہے۔

تازہ ترین خبریں